Charter Document - 06390386
| Charter Number: | 06390386 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Lay |
| Charter Type(s): | Decree |
| Date: | 1096 |
| Date type: | Internal, A.D., Calendar, Lunar, Regnal |
| Resource Link(s): |
|
Charter:
In Nomine Sancte et Individue Trinitatis Ego Rotbertus dux Normannorum etsi cum majora a Deo acceperim in majoribus illi deberem ministrare in hoc tamen quantulumcumque sit anime mee et parentum meorum volens saluti consulere donum quod patruus meus Odo Baiocensis episcopus contulit Deo et sancto Benigno Divionensi abbati Jerentoni et fratribus Divionensibus et successoribus eorum monasterium vedelicet sancti Vigoris de monte Crismatum cum appenditiis suis nostri assensus manum dans quanta possum nostre concessionis auctoritate corroboro dans et confirmans monasterium ipsum ecclesie Divionensi in perpetuum Et ut hec concessio firma et inconvulsa permaneat do prefato monasterio sancti Vigoris quam possum libertatem videlicet omnes consuetudines per totam terram meam que ad me pertinent de dominicis meis rebus tam in passagio et theloneo quam in ceteris exitibus et de meo proprio in cotidiano usu fratrum Divionensium ibidem Deo servientium onera IIII asinorum singulis diebus de viridi ligno in nemore meo Verneio Hoc autem privilegium trado Divionensi ecclesie jure sempiterno ut nullus audeat hanc nostre concessionis cartam infringere sed semper ecclesia Divionensis pro sue religionis merito venerabilis nobis et heredibus nostris locum ipsum sancti Vigoris cum appenditiis quiete possideat secure habeat absque inquietudine sine calumpnia salva reverentia et debita obedientia sancte Marie matris Baiocensis ecclesie Quisquis autem de terra mea aliquid de suo monasterio prefato tradiderit id sibi ratum fore concedo ne occasione juris mei ullo modo possit revocari Et qui se et terram suam sancto Benigno et sancto Vigori tradiderit ab omni curie mee servitio liber erit nec tenebitur obnoxius servitiis nostris sed in dominicatura abbatis et fratrum Divionensium erit solutus et liber in perpetuum Quicumque vero hoc nostre mansuetudinis donum infringere et hanc cartam violare presumpserit fisco publico mille auri libras coactus exsolvat et quod petit evindicare non valeat sed insuper nisi resipuerit iram Dei omnipotentis incurrat e Ego Odo Baiocensis episcopus cartam hanc laudo et manu propria signum faciens subscribo Signum Rotberti ducis Normannorum Sign Willelmi de Archis monaci e Sign Willelmi de Bretulio Signum Willelmi de Similiaco S Willelmi decani Rodulfi archidiaconi S Signum Willelmi e de Columbariis S Helgodi archidiaconi S Roberti de Tribus Montibus Anno ab incarnatione Domini MXCVI indictione IIII concurrente VII epacta XXIII XVIIII anno principatus Rotberti Guillelmi regis Anglorum filii ducis Normannie hec carta firmata [est] et sigillo suo signata Actum publice Baiocas mense maio die XXIIII VIIII kal junii luna XXVII ciclo decennovennali XIIII Ego Hugo Divionensis ecclesie monachus jussu ejusdem Roberti ducis Normannie scripsi et subscripsi vice cancellarii Radulfi