Charter Document - 06390385

In Nomine Sancte et Individue Trinitatis Ego Odo Baiocensis episcopus cogitans peccatorum meorum immanitatem perpendens etiam districti judicis de actibus meis discussionem pro remedio anime mee et parentum meorum et pro requie episcoporum hujus sancte sedis Baiocensis et canonicorum qui dormierunt qui sunt et qui futuri sunt do Deo et sancto Benigno Jerentoni abbati Divionensi et successoribus ejus et fratribus ecclesie ejusdem Divionensis futuris et presentibus monasterium sancti Vigoris de monte Crismatis cum appendiciis suis videlicet plenam decimam totius ville in qua monasterium situm est et omnium ad eandem villam pertinentium et quidquid ad ecclesiam que ibi erat prius pertinebat et preterea medietatem totius ejusdem ville tam in hominibus et territorio quam in ceteris reditibus et IIII burgenses duos in campo Florido et duos ad pontem Olberti cum terra et consuetudinibus eorum et plenam decimam de Tor cum terra que ad ecclesiam pertinet et terra presbiteri et ecclesiam de Cruisseio et de Olferes et de Colgrino cum plenis decimis et terris que ad ipsas ecclesias pertinent et terram presbiterorum et plenam decimam de tota Crycha villa cum terra presbiteri [eaque] que ad ecclesiam pertinent Hec et quidquid monachi deinceps juste adquisierint dono trado laudo et concedo ecclesie Divionensi assensu et laude canonicorum et fidelium nostrorum salva reverentia et debita obedientia sancte Baiocensis matris ecclesie Constituo etiam ibidem fieri sepulturam corporis mei et successorum meorum et canonicorum ritu sempiterno laude eorumdem canonicorum Quod si Deo annuente adeo creverit locus ipse ut abbas ibidem juste possit constitui videlicet ut tanti sint reditus qui hoc debeant et possint pati et Baiocensis episcopus cum abbate Divionensi id communiter tractaverint et judicaverint expepedire abbas Divionensis de suis in capitolio Divionensi electionem faciet et personam electam assignabit episcopo Qui cum ordinatus fuerit sub abbate erit et eandem potestatem quam primo in eodem monasterio abbas predictus habebit Istud sane donum laude et assensu domini mei comitis Normannie Rotberti confirmatum est qui et dedit eidem monasterio sancti Vigoris plenariam libertatem videlicet omnes consuetudines per terram suam que ad eum pertinebant de dominicis suis rebus tam in passagio et theloneo quam in ceteris reditibus et exitibus et de suo proprio in cotidiano usu fratrum ibidem Deo servientium onera IIII asinorum de viridi ligno in nemore suo Verneio et quisquis de terra sua aliquid de suo prefato monasterio traderet id sibi ratum fore concessit ne occasione juris sui ullo modo posset revocari et ut monasterium idem ecclesia Divionensis possideret jure sempiterno Quisquis igitur chartam hanc donationis infringere temptaverit ira Dei veniat super eum deleatur de libro viventium et cum justis non scribatur et sit anathema maranatha usque in diem Domini nisi resipuerit Qui autem ista laudaverit et fidelis cooperator accesserit pax super illum et benedictio usque dum videat Deum deorum in Syon Et ut hec cartha firma et inconvulsa permaneat sigilli nostri impressione eam firmavi et testibus corroborandam tradidi Ego Odo Baiocensis episcopus hanc chartam lectam et perlectam confirmo et subscribo Signum Roberti nobilissimi comitis Normannie Signum Vuillemi decani S Rodulfi archidiaconi S Helgodi archidiaconi [] Signum Roberti de Tribus Montibus S Vuillemi de Archis monachi S Engelranni filii Herberti Signum Vuillemi de Bretulio S Vuillemi de Similiaco Signum Vuillemi de Columberiis Anno ab incarnatione Domini MXCVI indictione IIII concurrente VII epacta XXIII XVIIII anno principatus domni Roberti Vuillemi regis Anglorum filii ducis Normannie hec cartha confirmata est et sigillo suo signata Actum publice Baiocas mense maio die XXIIII VIIII kalendas junii luna XXVII