Charter Document - 06390356

[In nomine sancte et individue Trinit]atis Multiplex probatur esse utilitas cum dona facta precedentium litterarum [monitis traduntur ad me]moriam posterorum quoniam hinc et bonis emulande virtutis excitatur devotio et his qui libenter usur[pant non sua rapiendi subtr]ahitur occasio Unde ego Oddo et Albertus fratres verumtamen non carne sed spiritu elemosinam quam facimus [Deo et sancto Benigno Divionensis] ecclesie patrono notificamus omnibus futuris atque presentibus Nos denique duo venientes in quandam [silvam quam Cymercurt vocant jux]ta castrum Vuangionis rivi in parocchia sancti Stephani amore solitarie vite ibidem manere cepi[mus edificavimusque in eodem loco] ecclesiam in honore sancte Trinitatis et alia edificia servicio Dei convenientia Memores interea condici[onis humane nolentesque fructu laboris] nostri quo in ipsius loci cumstructione sudavimus privari accessimus ad domnum Jarentonem [abbatem Divionensem et tam ipsum quam ecclesiam] sibi commissam de loco predicto et de omnibus in eo edificatis et edificandis adquisitis et adquirendis [in perpetuum heredem fecimus ut post decessum] quoque nostrum servicium Dei in eodem loco fiat Hujus autem loci ecclesiam et cetera edificia construxe[ramus laude et consensu dominorum castri su]pra nominati Widonis et uxoris ejus Hildegardis et nichilominus hanc donationem fecimus [laudantibus domino Widone filio predicti W]idonis et uxore ejus Beatrice ac filiis eorum Roberto et Widone ea tamen condicione [ut quandiu unus nostrum vixerit locus] in nostra potestate consistat nec de eo quisquam aliquid auferre vel exigere contra nostram [voluntatem presumat Ubi autem uterque nostru]m obierit in jus atque dominium Divionensis ecclesie omnino deveniat ita tamen non ut ea que [ibidem a nostrum unocumque collecta sunt inde a] monachis qui Divioni vel qui apud Vuangionis rivum commanent asportentur sed ut tales ex monachis su[is ibidem abbas Divionensis constituat qui et re]ligiose viventes in eadem ecclesia Dei servicium fatiant et qui non solum que a nobis ibi sunt exstructa [non destruant verum etiam que minus] invenerint ipsi edificare adornare et augmentare contendant Idem non iccirco nos dicere quisquam suspi[cetur quasi aliquid de jure ac dominio ecclesie D]ivionensis minuere velimus cui eundem locum per omnia sub[j]icimus sed quia timemus ne cujuslibet importu[nitate locus idem quod absit ad nichilum redegatur] Ceterum locum ipsum et quicumque in eo manserint et quicumque habentur et habebuntur edificata et edificanda adquisi[ta et adquiranda sub juridictione et obedienti]a domni Jarentonis abbatis et successorum ejus monachorum Divionensium qui nunc sunt et qui post[ea] futuri sunt semper [permaneant et volumus et optamus et cartali] traditione concedimus et testibus confirmandam tradimus S domni Widonis et uxoris ejus Beatri[cis ac filiorum eorum Roberti atque Widonis S] Petri decani S Desiderii capellani S Willelmi prepositi S militis Milonis S Evrardi militis