Charter Document - 06390347
| Charter Number: | 06390347 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1076 - 1077 |
| Date type: | Assigned |
| Resource Link(s): |
TELMA - Traitement électronique des manuscrits et des archives |
Charter:
In Nomine Sancte et Individue Trinitatis Ego Hugo cum ipsius favente clementia post decessum Rotberti ducis patris Heinrici genitoris nostri culmen Ducatus fuissem adeptus susceptis omnibus castellis et urbibus ad nostrum jus attinentibus ad castrum tandem Divionense devenimus quo recepto Deo propitio placuit nos adire limina gloriosi et egregii testis Xpisti Benigni eo loci corpore quiescentis ubi cum honorifice et decentissime ab honorabili ejus loci abbate Adalberone nobilique monachorum concentu fuissem exceptus considerans omnem potestatem a Deo et per Deum esse nil quoque nos nostris viribus nisi per ipsum posse nos ipsos et nostri honoris primordia ipsi Deo et Domino nostro cum omni humilitate voluimus committere Unde evocati a predicto abbate in capitulo fratrum una cum fideli et parente nostro Nivernensi comite Willelmo ejusque filiis et optimatibus universis residentibus nobis idem abbas cum suis ad nostra vestigia venit suggerens cum gemitu ipsius desolationem loci et importunitates vastationes consuetudines quoque malas et injurias sibi suisque actenus tempore predecessoris nostri injuste illatas Que addiscens vera esse et [] tantis malis simulque commotus tantis lacrimis cum consilio et hortatu prescripti comitis et omnium nobilium quicquid actenus importunitatis et inquietudinis contra jus fasque fuerant perpessi in omnibus villis potestatibus et rebus suis clementer remisi Decrevimus etiam ut recitatis cartis privilegiis et preceptis augustorum et regum Francorum Karoli scilicet Calvi ejusdem cenobii restauratoris atque Rodulfi filii Richardi domni quoque Rotberti regis proavi nostri de libertate Claustri a torrente Susionis qui utrumque dividit et omnium villarum seu potestatum ad se pertinentium salvamentis et abolitione totius prave consuetudinis tam petitione ejusdem abbatis et monachorum consilio quoque prefati comitis quam et pro salute nostra et remedio animarum antecessorum nostrorum concessimus eis suis privilegiis uti et sua cum omni libertate et quiete potiri et in pace et securitate absque calumpnia perfrui et ut pro statu et incolomitate nostra totiusque nostre posteritatis liberius Deum exorent accepta ab eis sancta ipsorum societate bonorum prolata et coram nobis relecta privilegia manu propria firmavimus et in perpetuum tenenda et roboranda censuimus et prefato fideli nostro comiti Willelmo filiisque ejus Rainaldo atque Willelmo germano etiam nostro Odoni et omnibus optimatibus confirmare precepimus Hanc vero cartam ex nostra auctoritate fieri jussimus