Charter Document - 06390346
| Charter Number: | 06390346 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1070 |
| Date type: | Internal, A.D., Feast |
| Resource Link(s): |
|
Charter:
In nomine Patris et Filii et Spiritus Sancti Ad noticiam succedentium quecumque ecclesie Dei acquiruntur litteris mandare dignum videtur ne quod studio et summo labore confertur oblivionis negligentia aboleatur Unde ego Adalbero Dei gratia Divionensium abbas postquam domnus Udo Leuchorum presul decessit e vita et domnus Pibo ei successit in honoris gratia ejus presentiam adii et ostensis cartis predecessorum querimonias compescui clericorum de altaribus sancto Benigno traditis cavillantium Ubi vero domnus pontifex auctoritatem conspexit litterarum sibimet invicem concordantium sequutus vestigia precedentium patrum absque precio redemptionis pro statu regni incolumitate regum et requie sue anime cunctorumque sue sedis pontificum et clericorum reddidit sancto Benigno altaria primum per pastoralem baculum deinde laudem universorum acquisitorum vel acquirendorum in posterum per totum suum episcopium eo scilicet tenore ut debita ecclesiarum sive altarium ut mos est annuatim persolvantur et de cetero quiete possideantur Hujus noticie testes sunt domnus Vuido cenobii sancti Apri abbas Widricus prior Walterius decanus et archidiaconus Lambertus archidiaconus Rotbertus archidiaconus item Lambertus archidiaconus de Barro Odelricus archidiaconus de Volfereii curte Henricus advocatus urbis Hugo Vuarnerius et ejus frater Richizo Walterus Vulneratus et Warinus de Sancto Christoforo Acta sunt hec publice Tulli in capella sancte Marie die festivitatis sancti Martini anno dominice incarnationis MLXX regnante Henrico filio Heinrici imperatoris Idemque pie memorie episcopus Pibo videlicet donum suo anathemate confirmavit et episcopali bulla consignari precepit Ego Teodericus cancellarius et archidiaconus scripsi et recitavi