Charter Document - 06390344

Quotiens Ecclesie sancte provenit triumphus apicibus est describendus quatinus in laude Xpisti qui caput illius fore dinoscitur plebs Xpistiana soliditatis firmamento vigeat et ad ejus famulatum excitata devotior convalescat Ideo cunctorum fidelium notitie presentium atque futurorum litteris pandere decernimus quod Divionensis abbatia que est secus Divionense castrum in honore precipui martyris Xpisti Benigni constructa privilegiis Romanorum Pontificum preceptisque regum Francie intervenientibus sacre matris ecclesie Lingonensis presulibus ab omni dominatione alicujus perpetualiter effecta sit libera bannumque et districtum a torrente Susione qui utrumque burgum dividit perpetuo apostolica necnon imperiali atque regali munificentia et largitione possideat ita ut qui auferre ab eodem burgo vel claustro aliquid violenter excepto abbate vel monachis ejusdem loci presumpserit vel qui infregerit vel cum violentia hospitatus fuerit auctoritate sancti Petri cunctorumque Romanorum pontificum Lingonensium quoque atque totius Gallie episcoporum anathematis vindicta multatus excommunicationi perpetue damnabiliter subjaceat Quapropter quid acciderit tempore Rotberti ducis Burgundie litteris tradere decrevimus ut cunctis presentibus ac venturis hec ratio innotescat quod a calumniatoribus hujusmodi confirmationis seditio exorta tali sit contradictione convicta Quidam igitur Constantius cognomento Rufinus ex servientibus ducis predicti in atrio sancti Johannis edificata domo commanens statutum bannum sancti Benigni in vini venditione infregit atque suum vinum vendere cepit que causa ad aures ministrorum jam dicti Sancti pervolans prohibita ab eis est ne fieret Quam prohibitionem graviter ferens cum quibusdam convocans collegium in atrio atque terra Sancti contra homines ipsius seditionem commovit in qua illis pugnantibus istis sese defendendo resistentibus aliqui interierunt ex utraque parte plures vero vulnerati fuerunt de qua causa prefatus dux convocans abbatem ejusdem loci nomine Adalberonem cepit ab eo exigere hujus cause emendationem quam nullo modo facere voluit potius velle se dicens abbatiam deserere quam Sancti rectitudinem evertere Quod dictum facto comprobans monachos ejusdem cenobii in consimili voto perstantes in multa afflictione relinquens presulem sancte Lingonensis ecclesie expetiit a quo cognoscens venerandus presul nomine Rainardus cognomento Hugo quod actum erat vehementer indoluit et dato die ac loco in cenobio sanctorum apostolorum Petri et Pauli supra fontem Besue convocato Hugone Vesonticensi archiepiscopo et Aganone Heduorum antistite atque Willelmo comite magnaque procerum ac nobilium virorum multitudine coram cunctis privilegia atque precepta lucide peroravit emendationemque ex banno et ex fractura atriorum necnon ex hominum sanguine facteque seditionis sed et de priore quem violenter exire de suo monasterio compulit propria manu in manu ejusdem presulis posuit Quam suscipiens idem pontifex jus proprium Sancto auctoritate sue demonstrationis corroboratum restituit Quod factum ipse dux suo ore confirmavit et predictam abbatiam liberam ac quietam ab omni dominatione alicujus existere laudavit quemadmodum trium meliorum antecessorum suorum temporibus extitit presente Heinrico ipsius filio qui hujusmodi placitum ex utraque parte deportavit et hoc fieri vidit audivit atque laudavit Testes hi sunt quorum hec sunt nomina ecclesie Lingonensis Herlegius Rotgerius Girardus archidiaconi Vuarnerius archidiaconus et abbas Sancti Stephani Crysopolitane sedis Hugo archiepiscopus Gotefridus decanus ejus Heduensis ecclesie Agano episcopus Siguinus prepositus ejus Vualterius de Monte Scotico Landricus Heduensis ecclesie archidiaconus abbates vero Odo Flaviniacensis et Helmuinus Sancti Sequani laici autem Girardus Fontis Venne Humbertus frater ejus Oddo de Monte Salvio Aldo de Tile Castro Hugo de Calvo monte Rainerius de Notgenniaco Actum Besue feria VI ebdomada IIXL anno ab incarnatione Domini MLXVI indictione IIII epacta XX[II] regnante Philippo rege Francorum anno VII regni ejus