Charter Document - 06390340
| Charter Number: | 06390340 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1057 |
| Date type: | Internal, A.D. |
| Resource Link(s): |
TELMA - Traitement électronique des manuscrits et des archives |
Charter:
In Nomine Sancte et Individue Trinitatis Pastorale officium idcirco nobis a Domino credimus et confitemur collatum ut ecclesie sue utilitatibus pro posse studeamus insistere et luporum rapacitatem ab ea longius removere Quapropter ego Arduinus per Dei misericordiam Lingonensis ecclesie minister licet indignus presentibus et futuris notum facio quod karissimus et venerabilis frater noster Adalbero abbas monasterii sancti Benigni Divionensis querelam super domno Guidone comite de castro Salicum ad nos deposuit videlicet quod quamdam villam monasterii sui Dinetum nomine exactionibus plurimis et injustis consuetudinibus violentissime vexaret eamque sibi tanquam hereditario jure eriperet Igitur cum jam dictus comes ante nostram presentiam vocatus adstaret nec in ipsa villa et ejus pertinentiis quicquam consuetudinis vel juris preter sex solidos ob firmationem et custodiam castelli sui domni et reverendi Brunonis episcopi predecessoris nostri permissione sibi concessos legitime potuisset ostendere statim abbati de illatis injuriis satisfecit et emendavit quodque deinceps in eadem villa suisque pertinentiis preter ipsos sex solidos tres in Resurrectione Domini et tres in festivitate beati Benigni exigeret aut reclamaret sacramento fidelitatis firmavit Abbas vero ei ex beneficio XV libras dedit eo videlicet pacto et tenore ut si ipse comes aut aliquis successorum ejus quod absit ulterius quocumque modo villam memoratam per se vel per ministros suos fatigaret abbas habeat suas XV libras repetere et comes ei excepto capitali XL librarum emendationem per districtum Lingonensis sedis teneatur exhibere datis nichilominus istis obsidibus Girardo scilicet de Wangionum Rivo et Guidone nepote ejus necnon Lebaldo de Coblensi castro Ut autem istud decretum ex omni parte maneat roboratum sigillum nostrum huic carte apposuimus Confirmantes et sub percussione anathematis districtius inhibentes ne jamdictus comes aut quilibet successorum ejus preter nominatos sex solidos in prelibata villa et ejus pertinentiis tam nemoribus quam terris cultis et incultis aquis quoque et pascuis per succedentia tempora quicquam presumat exigere quod si transgressus fuerit et semel et bis commonitus si satisfacere et cessare contempserit excommunicationi et eterne dampnationi subjaceat et a sacratissimo corpore et sanguine Domini et consortio Sanctorum alienus fiat Interfuerunt huic rei et testes sunt predictus Girardus Guido et Lebaldus fide jussores item Girardus archidiaconus Warnerius archidiaconus Herlegius archidiaconus Gibuinus Amarricus Galterius decanus Garinus Notcherus Hugo de Ravenello Theodericus filius Gisleberti Arlebaudus Ischiriacensis item Arlebaudus de Gurziaco Mainfredus prepositus Actum Lingonis publice anno incarnationis dominice millesimo LVII indictione X epacta XII regnante Henrico Francorum rege