Charter Document - 06390337

In Nomine Sancte et Individue Trinitatis Heinricus Divina Favente clementia Romanorum imperator augustus Si justis petitionibus fidelium nostrorum aurem pietatis accomodaverimus nobis ad salutem anime nostre profuturum minime dubitamus Quapropter omnium fidelium nostrorum presentium videlicet et futurorum noverit industria qualiter sancte Crisopolitane ecclesie archiepiscopus Hugo nostram adiit imperialem clementiam humiliter obsecrans ut bona que ecclesia sancti Benigni Divionensis cenobii in nostro regno haberet nostra illi confirmarentur imperiali auctoritate Concedimus igitur ob interventum dilectissime contectalis nostre imperatricis Agnetis et corroboramus per hanc precepti nostri paginam et propter peticionem fidelis nostri predicti archiepiscopi Bisonticensis et comitis Raynaldi quicquid in regno nostro jure ac legaliter adquisivit prefata ecclesia sancti Benigni Albiniacum videlicet villam cum ecclesia sancto Marcello attitulata aliam in Cimbiliaco villa terciam in villa que vocatur Duellaris villare cum possessionibus ad easdem ecclesias pertinentibus scilicet eas cum cella et ecclesia Offonis ville antiquitus abbatie in memoria sancti martiris et episcopi Leodegarii consecrata et omnibus pertinentiis ejus sicut Burchardus cujus beneficium fuit eidem ecclesie tradidit Corroboramus etiam donum caldariarum in Salinis vico cum sedibus suis quas tradidit supradicte ecclesie comes Otto cognomento Willelmus Et ut in his que pro expiandis peccaminibus benefactorum loci ipsius a fratribus ibi Deo famulantibus aguntur nostre recordationis temporibus succiduis intersit memoria statuimus atque decernimus ut quod ad prefati loci utilitatem in jam dictis cellis emptum est vel collatum futurisve legaliter temporibus emendum atque donandum per hujus nostre auctoritatis preceptum ratum habeatur ac firmum ita ut a nullis nostris successoribus aut aliquibus aliis contradictoribus aliqua possit temeritate vel ratione violari Si quis autem quod eventurum minime credimus huic nostre auctoritatis precepto obviare et presentem donationem a nobis legaliter factam temptaverit effringere non valeat quod cupit efficere sed sciat se compositurum auri libras mille medietatem camere nostre et medietatem prescripto monasterio ejusque rectoribus Et ut hoc verius credatur diligentiusque ab omnibus observetur manu propria corroborantes sigillo nostro subter insigniri jussimus Signum Domni Heinrici Tercii Regis Invictissimi Religiosi Principis Secundi Romanorum Imperatoris Augusti Burgundionum Primi Hugo Cancellarius Vice Hugonis Archiepiscopi et Archicancellarii recognovit Anno ab Incarnatione Domini MLIII indictione VI anno vero domni Heinrici tercii regis invictissimi imperatoris secundi ordinationis ejus XXVI regni quidem XV imperii autem VII Actum Vuormatie feliciter