Charter Document - 06390314

Omnibus Ecclesie Xpisti filiis scire cupientibus manifestum esse volumus qualiter ego Lingonum presul Hugo per deprecationem Haymonis comitis fidelis nostri uxorisque ipsius et filiorum reddo ecclesiam sancti Petri sitam in villa Mora monasterio cognomento Pulchrada vel Saxonisfontane que olim ejusdem loci Genitricis Dei Marie fuerat sed beneficii gratia cum ceteris rebus ablata Post hec tamen Deo donante contigit ut perpetuali dono ad sanctum Benignum domno abbati Halenardo isdem locus monachili dignatione redi informandus meliorandisque traderetur Cujus videlicet rei amoris et gratia hanc cum aliis munificentie nostre largitionibus predicto abbati ac monachis sancimus et stabilimus fore perennem scilicet ut habeant possideantque predictam ecclesiam absque ulla contraditione alicujus persone cujuscumque dignitatis aut ordinis faciantque de illa quicquid sibi opportunius visum fuerit Si quis vero quod absit eis in aliquo quippiam nocivus calumpniator extiterit sentiet se continuo sub anatemate excumunicationis dampnandum teneri infernique cruciatibus abdicari nisi cum satisfactione de presumptione penituerit ac resipiscens emendaverit Atque ut inconvulsa hec redditio in perpetuum vigeat manu propria firmo nostrisque fidelibus trado roborandam Signum Hugonis episcopi Sig Aymonis qui fieri rogavit Sig Conigundis et filiorum ejus Girardi et Ottonis Vuichardi Sig Alulfi Sig Vuitaldi Sig Leudegarii Sig Burcardi Sig Rainerii Sig Hugonis filii ejus Sig Vuarnerii Sig Gisleberti Sig Milonis Sig Walterii Sig Heldierii Sig Walterii clerici Sig Constancii Sig Widonis Sig Bertranni Regnante Heinrico rege anno VIII Actum Lingonis puplice