Charter Document - 06390288
| Charter Number: | 06390288 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1026 - 1031 |
| Date type: | Assigned |
| Resource Link(s): |
|
Charter:
In Nomine Sancte et Individue Trinitatis Patris et Filii et Spiritus Sancti Bruno Gratia Dei Humilis Leuchorum Presul Cum primum divina clementia me quamvis immeritum ad pontificatus honorem provexit eadem miserante Dei pietate mox anhelare cepi ad restaurationem mee acclesie ac monastici ordinis religionem aut ubi erat aucmentare aut ubi perierat pro posse meo recuperare Interea postulatus precibus venerabilis viri domni videlicet Willelmi abbatis monasterii Divionensis sed et domni Widrici abbatis monasterii sancti Apri fratrumque ipsorum qui communis societatis norma[m] concorditer retinent adii cellam Bertiniace curtis que est infra nostram diocesim sita que quidem cella antiquitus capella tantum fuerat subjecta matri ecclesie inibi posite ac in honore sancti Martini constructe Sed fidelium devotione prediis et rebus aucmentata in tantum excreverat ut missi ibi monachi regulariter viverent et Domino concorditer deservirent ibi ergo ut dictu[m] est evocatus monasterium ordinabiliter constructum repperi quod Deo propicio in honore sancti Benigni ecclesiastice consecravi Cum aut[em] mecum tacitus volvere[m] quid ad aucmentu[m] utilitatis ejusdem ecclesie nostra largitate contradere[m] comperi antecessorum nostrorum largitione duo altaria ibi concessa unum ad Businiacum alterum ad Algisi villam que ecclesie matres appellantur