Charter Document - 06390271
| Charter Number: | 06390271 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1020 |
| Date type: | Internal, A.D., Calendar, Regnal |
| Resource Link(s): |
|
Charter:
Antiquitatis jure institutum esse constat ut quotiens prediorum traditio sive commutatio fit ad notitiam posterorum scripture testimonio roboretur Quocirca congruum imo necessarium esse visum est ut mutuam prediorum traditionem inter domnum Wilelmum Divionensis monasterii abbatem et comitem Gerardum pro communi oportunitate factam litterarum annotatione solidaretur ne postmodum per succedentium ignorantiam aut invidorum malivolentiam adnihiletur Igitur consensu presulis Lamberti Lingonice ecclesie et omnium fratrum Divionensis monasterii dedit in primis abbas Wilelmus de jure sancti Benigni comiti Gerardo infra regnum Italie in provincia Longobardie ecclesiam in honore sancti Michelis sacratam sitamque in loco qui dicitur Morox cum molendino ei proximo et omni integritate sediminis ubi constructa consistit et omnibus edificiis ibidem pertinentibus insuper etiam omne predium duorum fratrum Nitardi et Godefredi quod ipsi Divionensi monasterio tradiderunt in toto regno Italie quando monachi effecti sunt cum omnibus appenditiis mancipiis vineis pratis sylvis molendinis pascuis cultis et incultis agris aquarumque decursibus omnem quoque possessionem que ad Divionense monasterium in toto regno Italie pertinebat domnus abbas Wilelmus predicto comiti G in integrum tradidit concessit et dedit per commutationis hujus testamentum eo tenore ut ipse comes absque ulla contradictione ulterius habeat possideat et ex his omnibus quidquid sibi libitum fuerit deinceps faciat Econtra vero comes Gerardus consensu sue conjugis Eve et parentum et omnium fidelium suorum predicto abbati W reddidit concambium in regno Lothariensi in comitatu Solicensi in villa Goduncort cuncta que ad ipsum predium pertinent in mancipiis edificiis campis vineis pratis sylvis molendinis pascuis cultis et incultis agris aquarumque decursibus totum in integrum tradidit concessit et de suo jure transtulit in jus monasterii Divionensis per manus domni abbatis W quo ipse suique successores ulterius habeant possideant et exinde quidquid juste decreverint faciant Ut autem hec mutua supradictorum prediorum traditio stabilior confirmaretur duplicis testamenti testimonio signata est que uterque et domnus abbas W et comes G propriis manibus confirmaverunt et domnum Deodericum Metensis ecclesie episcopum cum multis aliis idem agere rogaverunt stipulatione subnixa Actum Metis publice III nonas februarii anno incarnationis Domini MXX indictione III regnante Henrico imperatore feliciter anno regni ejus XVII imperii vero v S domni Deoderici episcopi Gerardi Gisleberti Folmari comitum Hermanni Gomeri Matfredi Varini Enzelini Bosonis Rutfridi Tirzelini Olarici Richerii Godefridi Rainaldus ad vicem domni Blidulfi cancellarii Ego Wilelmus abbas hanc commutationem scribendo firmavi Ego Jobertus monachus missus subscripsi