Charter Document - 06390269
| Charter Number: | 06390269 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1019 - 1026 |
| Date type: | Assigned |
| Resource Link(s): |
|
Charter:
H[erimannus] gratia Dei Tullensis episcopus domno abbati B Dignum et justum judicamus ut religiosis viris reverentiam exibeamus et non facile in injuriam eorum quando delinquunt prosiliamus Unde quando in vobis laudabile est approbamus quando vero emendandum ut corrigatis ammonentes obsecramus Quid ergo sibi vult illa vestra prohibitio qua vestros homines prohibuistis ne decimationes solverent in parrechia cui subjacent secundum rationem Xpistianitatis maxime cum istud faciatis contra viros vestri ordinis et religionise Predecessor meus Bertoldus episcopus altare Algisi ville contulit Bertiniacensis celle fratribus et nos effecti exsecutores ipsius benivolentie id ipsum confirmamus et ipsam obedientiam et constitutionem presbiteri quemcumque elegerint superaddimus Idcirco ferre non possumus ut contra jus a vobis molestentur aut tortitudinem paciantur Quod si amplius contigerit illi tales fraudatores decimationum et aliarum rerum ab ecclesia eliminabuntur et pariter cum domino suo anathemate plectentur