Charter Document - 06390267
| Charter Number: | 06390267 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1019 - 1026 |
| Date type: | Assigned |
| Resource Link(s): |
|
Charter:
H[erimannus] gratia Dei Tullensium episcopus O[delrico] archidiacono benedictionem Non michi videtur laudabile quando vestra jussio discordat a mea voluntate Coram me et coram vobis jamdudum diffinita est justa causa domni Arnulfi quam de ecclesia Algisi ville certa ratione terminavit et vos post hec nescio quo zelo ductus contraire nitimini decretis meis Namque dederam monachis facultatem presbiterum ibidem quem ipsi elegissent constituere et qualicumque modo sive parvo premio sive gratis ibidem sicut vellent adhibere et vos econtra certatis vigorem nostre jussionis immo elemosinam nostre benivolentie evacuare Sequimini quod justum est Predecessor meus Bertoldus episcopus monachis celle Bertiniacensis illud altare dedit et ego illud eis addidi et addo quod supra jam dixi scilicet ut in eorum arbitrio sive parvo premio sive gratis pendeat constitutio presbiteri Quamobrem decano vestro citius mandate ut in ecclesia eadem nullum ulterius proibeat cantare