Charter Document - 06390248
| Charter Number: | 06390248 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1012 |
| Date type: | Assigned |
| Resource Link(s): |
|
Charter:
Benedictus episcopus servus servorum Dei W venerabili abbati et in Xpisto dilecto filio salutem karissimam cum benedictione apostolica Audita vigilantia studii tui qua invigilas super filios commissos tibi referimus gratias Deo omnipotenti denique comperimus te jamdiu laborare creberrimis tuorum hostium incursibus et pene jam destitutam ecclesiam tuam a diripientibus et infortuniis tuis quas forinsecus pateris condolemus Namque pro longanimitate patientie quam huc usque exhibuisti adversariis ecclesie tue decet nos gaudere et bonitatem tuam laudare Ceterum hactenus sufficiat hanc patientiam ita exhibuisse ut impune ad nihilum redigantur penitus res ecclesie et pre penuria inopie labefactetur ordo religionis monastice que inibi sub te dinoscitur prepollere Habes tecum filium nostrum Benignum episcopum gratias Deo effectum monachum quem ammonemus honeste et religiose conversari professionem obedientie moribus et opere adtendere in qua vocatione vocatus est in ipsa permanere Deinde illi jubemus cum omni imperio ut inimicos martyris Benigni insequatur omni justitie zelo hac cum divina auctoritate feriat eos anathemate tibi etiam precipimus ne obsistas ei in hoc sed sicut illi auctoritatem pervasores tuos feriendi concedimus jubemus et imperamus ita tibi per veram obedientiam mandamus ne impedias eum nec eum prohibeas quin ipsos malefactores divini verbi gladio coherceat Ac sic in eo roboretur nostra auctoritas ut quoscumque ille ligaverit apostolica et nostra auctoritate sint ligati et quos absolverit sint nostra pariter absolutione soluti Damus etiam illi potestatem ordinandi quicquid juste postulatus fuerit in sancta ecclesia ordinare verumtamen te jubente