Charter Document - 06390235
| Charter Number: | 06390235 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1005 - 1006 |
| Date type: | Internal, A.D., Regnal |
| Resource Link(s): |
TELMA - Traitement électronique des manuscrits et des archives |
Charter:
In Nomine Sancte et Individue Trinitatis Rotbertus Divina Favente Clementia Francorum Rex Omnibus Xpisti Fidelibus Presentibus scilicet ac futuris notum fieri volumus qualiter Letbaldus miles nostram adierit clementiam consensu et interventu Ottonis comitis necnon et Walterii episcopi Augustidunensis petens benignitate nostra concedi ac regali auctoritate firmari quandam donationem quam pro remedio anime sue Deo sanctique Benigni monasterio apud castrum Divion ubi preesse videtur venerabilis abba Willelmus conferre deliberavit ex rebus sibi jure hereditario sive militari beneficio quas suis a progenitoribus nunc usque justa successione adquisitas visus est possedisse quatinus monachos ad serviendum Deo predictus abba successoresque ejus constituant in loco qui dicitur Puteolus ubi sita est ecclesia in honore beati Petri apostolorum principis quam ecclesiam cum suis pertinentiis quoniam ad publicum jus pertinere videtur dilectissimi fidelis nostri comitis jam dicti Ottonis precibus annuentes concedimus regali auctoritate ad votum prefati militis Letbaldi in perpetuam possessionem atque largimur beati Benigni cenobio rectoribusque ejus jure firmissimo in comitatu ergo Belnensi secus fluvium qui dicitur Duina quo sita est seu in aliis quibuscumque locis cum terris dominicatis mansis campis pratis pascuis silvis aquis aquarumque decursibus piscariis exitibus et reditibus consuetudinariisque exactionibus ad prefatam ecclesiam queque pertinere videntur sive cultum horum quid sit sive incultum totum in integrum prelibato monasterio concedentes regali decernimus auctoritate ut quicquid prefatus miles seu quisque in tota regni nostri amplitudine de proprii juris reditibus jam dicte sancti Petri ecclesie deinceps adiciendo largitus fuerit sine contradictione cujuscumque ducis episcopi comitis vicecomitis magne parveque persone diverse dignitatis vel officii rectores jam dicti Divionensis monasterii libere teneant possideant justoque disponant arbitrio Si quis autem quod absit hujus nostri precepti violator extiterit sciat se compositurum auri optimi libras XXX medietatem camere nostre et medietatem eidem monasterio ejusque rectoribus Et ut hoc verius credatur diligentiusque ab omnibus observetur manu propria corroborantes sigillo nostro subtus insigniri jussimus Actum publice supra Mosam apud regale colloquium gloriosissimi regis Rotberti atque Heinrici regis serenissimi anno ab incarnatione Domini nostri Jesu Xpisti MVI indictione IIII regnante eodem rege Rotberto illustrissimo anno XVIIII Ego Franco cancellarius sacri palatii subscripsi