Charter Document - 06390228
| Charter Number: | 06390228 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1004 |
| Date type: | Internal, A.D. |
| Resource Link(s): |
|
Charter:
Dedit idem ipse comes Otto sancto Benigno potestatem Vivariensis ville pro anima Heinrici ducis qui eum loco filii adoptavit et genitricis sue Gerberge uxoris predicti ducis ac filii sui Widonis et Hermintrudis conjugis proque anime sue salute Dedit predictam potestatem cum appendiciis suis sicut dono predicti ducis Heinrici et uxoris ejus sue vero genitricis Girberge sibi datam legaliter tenuerat annis XXX ita integram cum ecclesiis in ea sitis unam in honore sancte Marie alteram juxta ipsam positam sancti Petri apostoli nomine sacratam et villis ac terris multis scilicet in Croherco in Grugiaco in Frigida villa in Columbario in Lusiniaco in Curte Romanisca in Destagno in Cadiniaco in Mille ponto in Turiaco in Albania in Cariaco in Villa Comitis vel in aliis quibuscumque locis cum mancipiis utriusque sexus plurimis et omnes reditus et consuetudines quas debent ipsi servi et ancille et etiam illi qui francos se dicunt desuper ipsam potestatem commanentes ubicumque Facta est hec donatio anno ab incarnatione Domini nostri Jhesu Xpisti MIIII indictione II