Charter Document - 06390227

In Nomine Sancte et Individue Trinitatis Vualterius Dei Amminiculante Omnipotentis miseratione Heduensium presul Si cunctis que ad ecclesiasticam pertinent providentiam queque nostri ordinis vel correctione indigent vel opitulatione pro posse nostro rectitudinis moderamen inpendimus non solum in hoc piorum ac Deo devotorum predecessorum nostrorum facta imitamur sed etiam anime nostre perpetue beatitudinis gloriam adquirimus Unde justis assensum prebentes peticionibus cujusdam bone devotionis viri nomine Oddonis atque uxoris ejus nomine Hingole ecclesiam quam prope menia Belnensis castri per centum curricula et eo amplius annorum destructam modo pro animarum suarum remedio ad laudem et gloriam Domini Dei Salvatoris reedificare contendunt non solum ad profectum deducere cohortamur sed etiam cuicumque ipsorum largitionis dono prefata ecclesia collata visa fuerit monasterio cum omnibus que ex suis patrimoniis sive que auctoritate regia seniorisque sui illustrissimi scilicet comitis Ottonis Deo hujus rei gratia contulerunt vel contulerint perpetuo sancimus habere Et quoniam locus ille ubi supradicta dedicanda est ecclesia inter duas vias est habens a sinistro latere fluvium qui dicitur Bosesa et ab occidente denominatum castrum quod nostre juri ecclesie minime pertinere dinoscitur ut nullus inde successoribus nostris per succedentia tempora calumpnie patere umquam queat locus per hujus noticie decernendo decernimus decretum ut sine violentia ullius abbas vel monachi Divionensis cenobii cui a supradicto viro Oddone et uxore ejus Hingola subjuganda prefata decernitur ecclesia secundum timorem Dei tam ex ea quam ex omnibus suis pertinentiis ex collatis quoque vel conferendis a jam dictis jugalibus seu quibuscumque fidelibus faciendi quecumque voluerint liberam habeant potestatem de terris vero in nostro episcopatu manentibus que a fidelibus viris date sunt vel dabuntur prefate ecclesie decimas earum ipsi perpetuo habere concedimus Determinationes quoque cimiterii hujus ecclesie sicut a glorioso rege Rotberto distincte sunt nos approbamus et confirmamus Que omnia ut inconvulsa permaneant stipulatione subnixa tam a nobis quam a nostris suffraganeis firmari pontificali auctoritate ratum duximus quatinus secundum predictorum cartulam regalisque precepti auctoritatem episcopalis censura et Xpisto de suis conferentium corroboret donum et rapacitatis ausum cohibeat invasorum Ego Vualterius episcopus subscripsi manu mea Signum meum Signum Huboldi abbatis Signum Hermuini abbatis S Gerardi abbatis S Hunrici abbatis S Richardi archidiaconi S Ansisi cantoris S Aynaldi S Hugonis S Raynaldi cancellarii Actum est Belno in curia Ottonis comitis Signum Ottonis comitis Locus sigilli impressi Anno incarnati Verbi millesimo quarto indictione secunda epacta vicesima sexta concurrente sexto regnante Rotberto rege anno septimo decimo