Charter Document - 06390218
| Charter Number: | 06390218 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1003 |
| Date type: | Internal, A.D. |
| Resource Link(s): |
|
Charter:
Adolescens quidam nomine Achedeus Lingonensis ecclesie canonicus in presentia domni Brunonis episcopi et Ottonis comitis dedit ecclesiam sancti Albini ad altare sancti Benigni Divionensis patroni et predictam ecclesiam cum appenditiis suis ad memoratum locum pro se et pro patre suo Letbaldo in hoc loco facto monacho tradidit ea conditione ut annis singulis quamdiu viveret persolveret in censu pro predicta ecclesia solidos decem et duo sextaria olei Postmodum vero quidam Henricus miles affinis ejus quamvis erat solutio census adiit presentiam domni Vuillelmi abbatis petiitque alievari censum predictum Quod impetravit et ad quatuor denarios redactus est census Et pro hac recompensatione proque anime sue salute dedit villam Molensem cum omnibus ad ipsam hereditatem pertinentibus rebus Consistit ipsa hereditas in comitatu Oscarensi super Sagonam fluvium atque Oscaram et Tilam habetque determinationes amplas prout scriptum est in carta Facta hec donatio ab incarnatione Domini anno millesimo tertio