Charter Document - 06390217
| Charter Number: | 06390217 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1003 |
| Date type: | Internal, Calendar, Regnal |
| Resource Link(s): |
|
Charter:
In nomine Patris et Filii et Spiritus Sancti Ego Hugo trado et dono Domino et sancte Marie sanctoque Benigno martiri Xpisti pro remedio anime mee et uxoris mee Ermengardis precipue pro sepultura filii mei tres jornales de terra arabili in comitatu Alsensi quorum duo sic jacent ex una parte est aqua currens de alia parte terra senioris Humberti et de alia parte terra francorum de Prusilliaco tertius ita jacet ex duabus partibus est terra fiscalis et de duabus terra sancti Sequani et I jornalem de vinea ex omni parte habens terram senioris Humberti ea dumtaxat conditione ut domnus abbas Willelmus et ejus monachi successoresque eorum jam supradicti monasterii scilicet sancti Benigni omni tempore teneant Si quis vero quod accidere non credo si ego aut ullus successorum meorum vel quislibet futurus perversus pervertere aut subtrahere mutare minuere seu impedire cessionem meam omnimoda caritate collatam tamptaverit non valeat evindicare quod repetit sed institutionibus et judiciis legum convictus et constrictus insuper monachis auri libras X persolvere cogatur posteaque hec presens largitio inviolabilis omni tempore perseveret Hanc manu propria cartam meo nutu peractam subterfirmavi manibusque bonorum hominum solidandam tradidi Actum Sarmatii castro Ego Hugo hanc cartam facere precepi et firmavi S Humberti S Gotefredi S Hunebaldi S Odilonis Datum feria V VII kalendas decembris anno XV regnante Rotberto Rege