Charter Document - 06380174
| Charter Number: | 06380174 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Religious |
| Charter Type(s): | Election |
| Date: | 0928 |
| Date type: | Internal, A.D. |
| Resource Link(s): |
|
Charter:
Anno Verbi incarnati DCCCCXXVII[I] indictione I [] contigit domnum illum [scilicet episcopum Lingoniensem] Divionem castrum venisse ibique Dei nutu de rebus ecclesiasticis more patrum suorum utiliter tractasse [] Inter cetera [] adiit eius presentiam concio monachorum archisterii almi Benigni in suburbio Divionensis castri positi humiliter serenitatem eiusdem presulis poscens conscribi sibi privilegium proprie electionis in ordinando sibi abbatem secundum normam patris Benedicti qui non tantum preesse quam communi utilitati studeat prodesse Cuius commune decretum et utile consultum prefatus pontifex suscipiens [] prout postulavit attribuit clementer fieri His vero prelibatis simulque diu ventilatis pariterque pertractatis Deo suffragatore querentibusque se in veritate inventus est ill eiusdem monasterii filius ab ipsis infantie cunabulis inibi educatus negotiis ecclesiasticis sufficienter instructus vita et moribus modestus religionis gratia et exercitationis opere pleniter comptus Quem igitur quasi per vim manibus trahentes et ante pretaxatam antistitis presentiam offerentes hoc concessum est eis quatinus auctoritas electionis [] scriberetur qua et ab insidiantibus sibi undique secus muniri posset et honorem sibi divinitus conlatum securius firmiusque tenere quivisset [] coramque presentia firmatorum eodem delata in conspectu astantium est constituta atque a cunctis gratanter extitit suscepta Denique pastor insignis codicem manibus sanctissimi juris suscipiens eundem ill abbatem et pondere cure animarum onustavit et munere tanti honoris ditavit campanis reboantibus decenter revestivit et ne aliquis successor illius munere alicujus invasoris illectus hoc opus presentis institutionis infringere perenniter queat manu propria eum firmavit et fidelibus suis utriusque ordinis corroborandum tradidit []