Charter Document - 06380115
| Charter Number: | 06380115 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0880 - 0881 |
| Date type: | Internal, Regnal |
| Resource Link(s): |
|
Charter:
Sacro monasterio sancti Benigni sito juxta Divionem castrum ubi ipse beatus in corpore quiescit Adveniens quedam femina Atila nomine cum filio suo Rodulfo condonaverunt ad ipsum sanctum locum ac monachis ibi Deo servientibus ex proprio alodo vineas duas sitas in pago Oscarense villa Patriniaca fine Longoviana Terminat de uno latere terra sancti Benigni de alio latere strada publica de ambobus frontibus strada pergit et abet in longum perticas agripennales XV et per transversum perticas II et dimidiam Alia vinea terminatur de uno latere terra sancti Sequani de alio latere terra sancti Leodegarii de una fronte terra sancti Stephani de alia fronte Ermigerius tenet et abet in longum perticas XXVI et per transversum perticas II et pedes V Hec omnia denominata et determinata donamus atque transfundimus de nostra potestate in potestatem sancti Benigni ac monachorum ibidem Deo servientium quo a die presenti et deinceps liberam ac firmissimam in omnibus habeatis potestatem quicquid exinde agere volueritis nullo contradicente Si vero quod minime futurum credimus si nos ipsi aut pro heredum nostrorum aliqua emissa persona contra hanc donationem pro remedio anime nostre factam aliquam calumpniam inferre temptaverit nullo modo valeat evindicare quod repetit sed insuper coactus untias II auri componat cum socio fisco argenti quoque libras II et hec donatio firma et stabilis omni tempore permaneat stipulatione subnixa Actum Divion monasterio sancti Benigni publice Signum Atilane qui hanc donationem fieri et firmare rogavit Signum Radulfi filii ejus qui similiter fecit Signum Gotescalci Pantonis Mietii Aganonis Vulfardi Adonulfi Saifardi Jozberti Fulbaldi Ego Vulfardus scripsi et subscripsi datavi die dominica anno II domini nostri Karlomanni filii Ludowici regis