Charter Document - 06380112
| Charter Number: | 06380112 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0879 |
| Date type: | Internal, Calendar, Regnal |
| Resource Link(s): |
|
Charter:
Omnipotentis Christi Jhesu ineffabilis liberalitas tante pietatis exuberat gratia ut tam magnifico quos redemit cruore proprio etiam donet donativo quo pro terreis adquirant celica pro perituris finis ignara Quod animo pertractans quidam Flotbertus veniens ad monasterium sancti Benigni ubi ipse preciosus martyr in corpore requiescit ubi Ingo abba et Teutfredus prepositus presunt condonavit ad sanctum Benignum vel ad mensam fratrum pagina de vinea in Marcenniaco villa propter locum sepulture et pro remedium anime sue que est sita in pago Uskarinse in fine Longoviana prope villa Marcenniaco abet terminaciones de uno latus terra sancti Benigni de alio latus Torquinus tenet de uno fronte Amelius tenet de alio vero fronte perticas VI in alio fronte perticas VI infra istas terminaciones vel perticationes partibus sancti Benigni et fratrum predictam vineam ego Flotbertus de meo jure et dominatione trado in vestram potestatem et dominationem jure legitimo ordine perpetuo a die presenti ad possidendum habendi tenendi seu commutandi vel quicquid faciendi elegerint nullo contradicente Si quis vero quod minime credo si ego ipse aut ullus de heredibus meis vel proheredes seu quislibet ulla emissa persona qui contra hanc vendicionem ullo tempore aliquam calumpniam generare temptaverit exinde nichil evindicet set insuper inferat vobis meisque heredibus in duplum tantum quantum ipsa vinea meliorata valere extimatur auri uncias IIII persolvat coactus et sua repeticio in nullo convalescat et hec donacio omni tempore firma et stabilis permaneat stipulatione subnixa Actum Marcenniaco villa S Flotberti qui donationem istam fieri et firmari rogavit S Flotsindane que consensit Heldeberni S Bernardi S Jotsaldi S Vuillonis S Teutbaldi S Ermenrici Ego in Dei nomine Jenulfus levita scripsi et subscripsi Datum die veneris XIIII kalendas junii anno primo regnante Karlomanno rege