Charter Document - 06380101
| Charter Number: | 06380101 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0876 - 0877 |
| Date type: | Internal, Regnal |
| Resource Link(s): |
|
Charter:
Notum sit omnibus sancte Dei ecclesie fidelibus presentibus et futuris quod veniens quidam homo nomine Mummius in ecclesia sancti Benigni ante presentiam fidelium tam clericorum quam laicorum etiam et ante conspectum Bertilonis abbatis et omnium monachorum ibidem Deo famulantium res que sunt site in pago Oscarinse in villa Asziriaco vel in ipsa fine quas precio dato videlicet libras XVI inter aurum et argentum comparavit de Heldeardo et uxore sua Arnais condonavit ad ipsam ecclesiam Dei que est constructa in honore sancti Mauricii ubi et beatus martir Benignus jacet pro remedio anime sue vel stabilitate sua hec sunt mansa IIII cum omnibus edificiis et suprapositis cum exis et regressis Terminat unus mansus de uno latere ecclesia sancti Benigni que est constructa in honore sancti Albini de alio latere et uno fronte terra sancti Benigni de alio vero fronte Uscara fluvius decurrit et habet in longum perticas agripedales XVIIII et per transversum perticas XI infra istas terminationes totum ad integrum Alius mansus terminat de ambis lateribus et uno fronte terra sancti Benigni de alio vero fronte strada publica pergit et habet in longum perticas XII et per transversum V et dimidiam Tercius mansus cum vinea terminat de uno latere Barlus tenet de alio latere terra sancti Benigni de uno fronte de ipsa hereditate de alio vero fronte Uscara fluvius decurrit et habet in longum perticas XX et per transversum III Quartus mansus terminat de uno latere terra sancti Benigni de alio latere Fulchardus tenet de uno fronte senterius communalis pergit de alio vero fronte strada publica pergit et habet in longum perticas XXXVII et per transversum perticam I et dimidia infra istas terminationes vel perticationes totum ad integrum cum mancipiis VI quorum hec nomina Anserannus et uxor sua Landilana et infantes ipsorum Maria et Vualannus Vualigis et uxor sua Telenna et etiam alias res ad ipsos mansos aspicientes hoc sunt terris pratis silvis pascuis aquis aquarumque decursibus exis et regressis cultis et incultis quicquid ad eos pertinet sunt etiam terre ad seminandum modios CIIII prata ubi possunt colligi de feno carrade L hec omnia supra denominata vel determinata supradictus Mumngius de sua potestate in potestatem rectoris ecclesie sancti Benigni et sancti Mauricii pro remedio anime sue et stabilitate tradidit ita ut ab hac die liberam in omnibus habeat potestatem tenendi commutandi nullo contradicente Si quis vero quod futurum minime credo si ego ipse aut ullus de heredibus meis aut pro heredibus contra hanc donationem spontanea mea voluntate factam venire aut aliquam calumniam inferre temptaverit non valeat evindicare quod repetit sed insuper inferat partibus ecclesie sancti Benigni una cum socio fisco auri libras L Et presens traditio omni tempore firma et stabilis maneat stipulatione subnexa Actum Divion in ecclesia sancti Benigni publice Signum Mummionis qui hanc traditionem fieri et firmare rogavit S Arendeo filii ejus qui consensit S Formaldi et Arnaldi filiorum ipsius qui consenserunt S Heldeardi S Fulchardi S Eldeberti S Radulfi S Vuichelmi S Guntardi Signum Airberti Ego Saifardus advocatus presens adfui Ego Wlfardus clericus scripsi et subscripsi datavi mense decembri anno XXXVII regni domini nostri Karoli regis imperii vero secundo