Charter Document - 06380097
Charter Number: | 06380097 |
---|---|
Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
Charter Language: | Latin |
Charter Origin: | Religious |
Charter Type(s): | Grant |
Date: | 0876 |
Date type: | Internal, Regnal |
Resource Link(s): |
|
Charter:
Domino sacrosancto monasterio sancti Benigni in Divion constructo Ego in Dei nomen Iodinus presbiter cogitavi pro Dei timore vel pro remedio anime mee et pro peccatis meis minuandis Dono ad ipsa casa domni sancti Benigni aliquid de rebus meis propriis que sunt site in pago Oscarense in fine Asziriaco de terra arabile campo I vel prato I terminat ipse campus de uno latus terra sancti Benigni ex alio latus de ipsa hereditate de uno fronte terra sancti Stephani de alio fronte racio sancti Albini et pratus terminat de uno latus prato sancti Benigni ex alio latere et uno fronte de ipsa hereditate et de alio fronte Fulchardus tenet infra istas terminationes totum ad integrum Similiter dono ad ipsa casa Dei servum nomine Vuandelbertum sic ut sit ingenuus colonus et absolutus nisi tantum denarios II vel dies II ita ut ab ac die illi rectores qui in ipsa casa Dei fuerint predictum Vuandelbertum si ad ipsum censum dimittere voluerint liberam ac firmissimam in Dei nomine et sancti Benigni habeant potestatem nullo contradicente Si quis vero quod futurum non credo si ego aut ullus de heredibus meis vel proheredes aut quislibet ulla oposita persona qui contra donationem istam ulla calumnia generare presumserit non hoc valeat evindicare quod repetit sed inferat ad ipsa casa Dei auri untiam I multa componat et hec facta donatio omni tempore firma et stabilis permaneat stipulatione subnixa Actum Asziriaco villa publice Signum Gaudino qui hanc fieri et firmare rogavit S Fulchardi S Vuitberti S Vuarnerii S Odolrici Signum Ostragi Ego in Dei nomen Moringus laicus presens fuit scripsi et subscripsi datavi die Jovis mense januarii anno XXXVI regnante Karolo imperatore