Charter Document - 06380095
| Charter Number: | 06380095 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0875 - 0876 |
| Date type: | Internal, Regnal |
| Resource Link(s): |
|
Charter:
Sacrosancte basilice sancti Benigni martiris juxta castrum Divionis constructe ubi ipse domnus et gloriosus martir in corpore quiescit et Isaac episcopus preest et Bertilon coepiscopus et abba una cum monachorum congregatione degit Ego Romestanius filius Airmari et etiam Epplenus propinquas meus venientes condonavimus ad ipsam casam Dei mansum unum cum supraposito pro remedio anime Airmari et uxoris ejus Addane seu pro sepultura nostra utrorumque Et ipse mansus est situs in pago Oscarense in villa Quintiniaco seu in ipsa fine et terminatur de uno latere Leutgardis tenet de ipsa hereditate de alio latere et una fronte terra sancti Benigni de alio vero fronte strada publica pergit infra istas terminationes ipsum mansum cum supraposito vel vinea vel alias res quecumque ad ipsum aspiciunt hoc est terris campis pratis silvis aquis aquarumque decursibus terris cultis et incultis jornales XXX et pratum jornalem unum cum exus et regressus totum ad integrum donamus atque transfundimus de nostra dominatione in potestatem et dominationem sancti Benigni et monachorum qui ei deserviunt Si quis vero quod nullo modo credimus si nos ipsi aut ullus de heredibus nostris seu proheredes seu quelibet ulla opposita [persona] contra hanc donationem et traditionem venire seu aliquam [calumniam] movere presumserit non valeat evindicare quod repetit sed insuper inferat vobis vestrisque successoribus in duplum tantum quantum ipse res eo tempore meliorate valuerint fisco vero auri libram I coactus exsolvat et hec donatio omni tempore firma permaneat stipulatione subnixa Actum Divion vico seu ecclesia sancti Benigni publice Signum Romestanii et Eppleni qui hanc donationem fieri et firmare rogaverunt S Vualdus Leudgencii Bericoni Fulmari Rotlanni Gotescalci Vileberti Andree Saletonis Gondrici Radulfi Saifardi Bagelde filie ipsius Airmari Ego Vulfardus monachus et levita scripsi et subscripsi anno XXXVI regnante Karolo rege feliciter