Charter Document - 06380089

Anno incarnationis Dominice DCCCLXXI indictione IIII anno quoque regni domni et gloriosissimi Karoli XXXI cum coepiscopum ego Isaac indignus episcopus ecclesie Lingonensis mihi commisse negocia cum fidelibus nostris tractare quatinus cum Dei gracia stabilirentur atque augmentarentur necnon et loca Sanctorum a nostris antecessoribus constituta et facultatibus valencia canonicali censura regerentur disponerentur atque gubernarentur seu ubi quondam fundata fuerant sed varietate temporum et mutacione secularium seniorum diruta vel destructa penitus quomodo Deo suffragante reedificarentur atque in melius construerentur deveni ad locum qui Sanctus Benignus dicitur jamdudum destructum in suburbio Divionensis castri consistentem ubi idem pretiosus martyr sanctus Benignus corpore requiescit de quo memoratus et domnus rex crebro mediocritatem meam ut restauraretur convenerat et cum consilio eorumdem predictorum nostrorum fidelium deliberavimus ut de eo jam dictum dominum et seniorem nostrum supplicare debuissemus quatinus clementie sue gracia opem qua relevari potuisset dignaretur prestare et ibi sicut hactenus sub monastica professione servos Dei vivere cupientes regali liberalitate constituere qui pro statu regni sui et stabilitate atque sublimitate sua indesinenter studuissent Dominum exorare Denique domnum et excellentissimum regem pro hujusmodi negocio adiens cum fidelibus nostris tractata ac deliberata humiliter innotui pecii et impetravi ea scilicet condicione ut semper monachos inibi conducerem et sicut dictum est Domino facerem deservire Congregavi igitur ibi annuente supradicto glorioso principe monachos sub chorepiscopo abbate nomine Bertilone qui ibi regulariter degerent et Deo in perpetuum deservirent Concedimus enim eis imprimis habere propriam electionem succiduis temporibus ex ipsis secundum regulam sancti Benedicti abbatem eligere sed et de rebus ipsius ecclesie vel pretiosi martyris supradicti Benigni propter eleemosynam prescripti piissimi Karoli regis et propter nostri corporis sepulturam seu eciam ut supra insertum est pro statu regni et eciam stabilitate sua et excellencia necnon et nostrorum abolicione peccatorum per consilium archiepiscopi nostri Remigii et Hincmari atque Theoderici consencientibus eciam coepiscopis nostris necnon omni clero sive omnibus fidelibus ecclesie nostre res et mancipia ad ipsum monasterium restaurandum et in usus ac stipendia monachorum ibidem Deo famulantium id est in eodem pago Divionensi et in suburbio Divionensi castri terram indominicatam ubi seminantur modia CCL vineas ubi colliguntur modia vini D prata ubi secantur foeni carra L silvam ubi saginantur porci DC forestem piscium a ponte Divionis usque ad villam Floriacum farinarios sex colonicas X mercatum pariter et burgum simul et districtum et in Lariaco colonicas X in Biciaco vero colonicas VI et dimidiam et in villa quam Colonicas dicunt colonicas VI et semis in Siliniaco colonicam I in Dicmensi colonicam et semis in Scontio quoque colonicas VI et in Villari colonicas III farinarios II in Lentennaco colonicam I et semis in Girone colonicas II inter Corcellas et Flaviniacum colonicam I in Proviso colonicam semis in Camboio colonicam semis inter Marcenniacum et Patrimiacum colonicam I in Quintiniaco colonicas II in Saccunico colonicam I in Cromaro colonicas II in Aculiaco capellam habentem mansum I et semis in Rufiaco colonicam semis et medietatem de Scoriaco villa in Casnedo colonicam semis in Bargis colonicam I in Missiniaco colonicas III in Norgia colonicam I item in aliis Corcellis colonicam semis in Aziriaco quicquid sanctus Benignus habere videtur scilicet capellam cum colonica una et aliis colonicis VI et semis et farinario uno et terra indominicata ubi possunt seminari de frumenti modii C et prata ubi possunt colligi foeni carra CL in villa Charli mansum indominicatum cum capella et quicquid ibi videtur aspicere in Prunedo mansum indominicatum et quicquid ad ipsum mansum attinet cum omnibus appendiciis rebus et mancipiis suis in Jussiaco colonicas II in Escanniaco similiter colonicas duas in Campaniaco colonicam I in Ategiis colonicas duas Has igitur supradictas res servis Dei monachis in supradicto loco Domino servientibus et futuris temporibus permanentibus et pro piissimo rege ejusque conjuge necnon liberis et totius regni ejus stabilitate Dei misericordiam implorantibus in sempiternum possessuris concedimus Quapropter petimus atque rogamus ut sicut nos predecessorum nostrorum inviolata custodimus sic et ipsi ea que constituimus inviolabiliter conservare dignentur Si quis vero quod venturum minime speramus hanc largicionem domni et excellentissimi regis necnon et nostram institucionem immutare aut aliquid ab eodem monasterio auferre aut contradicere electioni fratrum ibidem Deo famulancium sicut supra dictum est aut de rebus prescriptis beneficiare alicui vel eciam familiam affligere seu eidem congregacioni aliquam vim inferre presumpserit eterne damnationis maledictione cum Juda traditore multatus et nostra nostrorumque coepiscoporum auctoritate excommunicatur insuper anathema Maranatha sit damnatus sancti Benigni eciam cui prejudicium inferre videtur noverit se ultione damnandum Et ut hoc privilegium nostre constitucionis firmum et stabile per succedentia tempora permaneat manu propria subter firmavimus et coepiscopos nostros ac tocius regni regis nostri subscribere petivimus atque ecclesie nostre filiis et fidelibus clericis et laicis roborare jussimus Ego Isaac sancte Lingonensis ecclesie indignus episcopus hanc constitutionem a me factam relegi et subscripsi Hincmarus archiepiscopus subscripsi Theodericus archiepiscopus subscripsi Girbaldus Cavilonensis episcopus subscripsi Bernarius humilis episcopus subscripsi Letannus humilis episcopus subscripsi Adalgarius Eduorum episcopus subscripsi Ratbertus episcopus subscripsi Lantbertus Matisconensis episcopus subscripsi Leobinus humilis chorepiscopus subscripsi Geylo sancte Lingonensis ecclesie humilis episcopus hoc decretum relegi consensi et Christi nomine roboravi Warnerius sancte Lingonensis episcopus relegi et firmavi Argrimus sancte Lingonensis exiguus episcopus hanc institucionem relegi et in Christi nomine roboravi Giruncus sancte Bituricensis ecclesie humilis archiepiscopus subscripsi Tedelgrimnus episcopus subscripsi Gosselinus humilis episcopus subscripsi Heyricus humilis episcopus subscripsi Achardus humilis episcopus subscripsi Alguala Lugdunensis ecclesie archiepiscopus subscripsi Ardradus humilis Cabilonensis ecclesie episcopus subscripsi Geraldus peccator et humilis episcopus subscripsi Gualo Augustudunensis ecclesie episcopus subscripsi Ego Bruno sancte Lingonensis ecclesie episcopus relegi hoc decretum et subscripsi et roboravi Ego Lambertus Lingonensis ecclesie episcopus relegi et firmavi Himbertus Parisiacensis ecclesie episcopus subscripsi Helias diaconus scripsit et subscripsit Data die dominica indictione V mense maio anno XXXII regnante Karolo glorioso rege