Charter Document - 06380080
| Charter Number: | 06380080 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 0869 |
| Date type: | Internal, Regnal |
| Resource Link(s): |
|
Charter:
Domino sacrosancto sancti Benigni monasterio quod est constructum in Divion ubi Bertilo coepiscopus et Saron abbas et alii plures monachi consistunt Ego in Dei nomen Eldeiarnus venditor vendidisse me vobis constat et ita vendidi a die presenti casale I et de terra arabile ad seminandum modia VI juris mei nominis que sunt sita in pago Oscarense in villa Aziriaco vel in ipsa fine Aziriacense Terminatur ipse casalis de uno latere terra sancti Benigni ex alio latere et una fronte strada publica pergit in alio fronte de ipsa hereditate abet in longo et in latere perticas agripennales VIII et in alio latere perticas V et in transverso perticas VI et pedes IIII infra istas terminaciones vel perticationes totum ad integrum Primus campus terminat ubi dicunt ad Rotus Vetus de uno latere terra sancti Benigni ex alio latere de ipsa hereditate et de terra sancti Benigni in una fronte Oscara fluvius decurrit ex alia fronte strada publica pergit abet in longo perticas agripennales LXIII et in lato perticas VII Alius campus terminat ubi vocant in plana Liscaria in uno latere et duobus frontibus terra sancti Benigni ex alio latere Fuschardus tenet abet in longo perticas agripennales XXXVIII in lato perticas X Tercius campus terminat de uno latere Barlus tenet ex alio latere Salgus tenet in uno fronte terra sancti Stephani et in alio fronte terra sancti Benigni infra istas terminaciones vel perticaciones totum ad integrum ad ipsa casa Dei vendo trado atque transfundo Et accepi precium in argento solidos XXX et pro ipso precio de meo jure et dominatione trado in potestate et dominatione rectorum ipsius case Dei jure perpetuo ad possidendum nullo contradicente Si quis vero quod minime fieri credo si ego aut ullus de heredibus meis vel proheredes aut quislibet ulla opposita persona que contra hanc vendicionem ulla calumnia agere presumpserit non valeat evindicare quod repetit sed insuper ad ipsa casa Dei et suis rectoribus auri untias V multatus componat et hec vendicio omni tempore firma et stabilis permaneat stipulacione subnixa Actum Talornaio villa publica Signum Eldeiarno qui hanc vendicionem fieri et firmare rogavit S Arrian qui consensit S Fulchart S Eppleno S Eldierio S Aldierio S Aldrio S Dado Ego in Dei nomen Moringus laicus scripsi et subscripsi datavi die dominico medio mense madio anno XXVIIII regnante Karolo rege