Charter Document - 06380077

Sacrosancte basilice sancti Benigni martiris sub oppido Divionis constructe ubi venerabilis vir domnus Isaac preesse videtur pontifex et Bertilo coepiscopus abba cum omni congregatione monachorum ego Aldo et uxor mea Ermenrada Dei intuitu cogitantes remunerationem perpetuam pro remissione peccatorum nostrorum aliquid de rebus nostris ad ipsum sanctum locum vel monachis ibi Deo famulantibus concedere decrevimus quod ita in Dei nomine agere procuravimus hoc est in pago Divionense in fine Gocilinense campum arabilem qui habet terminos ex ambis lateribus stradas publicas de uno fronte Eldinus et Gotescalcus fratres tenent ex altera fronte terra sancti Marcelli infra istas terminationes totum ad integrum quicquid in predicto campo visi fuimus habere vel possidere ad memoratam basilicam sancti Benigni martiris monachisque in eodem loco Deo servientibus cedimus atque transfundimus de nostra potestate et dominatione pro spe salutis eterne vel causa sepulture nostre et quicquid ab hac die et deinceps tam ipsi quam successores eorum facere voluerint liberam in omnibus abeant potestatem Si quis vero quod futurum esse non credimus si nos ipsi aut ullus de heredibus nostris aut quelibet opposita persona contra hanc epistolam cessionis venire aut agere conaverit nullo modo valeat evindicare quod repetit sed inferat vobis vestrisque successoribus ad augmentum ejudem basilice auri libras II et nihilominus presens hec cessio firma permaneat stipulatione subnixa Actum Divion in basilica sancti Benigni publice Signum Aldonis et uxoris sue Ermenrade qui hanc cessionem fieri et firmare rogaverunt S Brunardi Achedi Elisei Amalrici Auvarni Gisleberti Attonis Beraldi Arendei Aglaudi Merulfi Ego Vuarnerius presbiter rogatus scripsi et subscripsi anno XXVIII Karoli regis