Charter Document - 06380072

Domino sacrosancta ecclesia sancti Benigni martiris sub oppido Divionis constructa que est in pago Divionensium in loco qui nuncupatur Divion ubi venerabilis vir Frodinus prepositus custos esse videtur Ego in Dei nomine Balduinus cogitans de Dei timore vel eterna retribucione ante tribunal domini nostri Jhesu Christi dono ad ipsam ecclesiam sancti Benigni martiris peciolam de vinea que est sita in pago Divionensium in fine Fontanense in loco qui vocatur Sivirniaco Terminatur ipsa peciola de uno latus Ero tenet in alio latus Siginus tenet in uno fronte terra sancti Stephani in alio vero fronte de hereditate et habet in longitudine perticas agripennales XXIIII et in latitudine in uno fronte perticam I et pedes II et in alio fronte perticam I et pede I infra istas terminaciones vel perticaciones totum ad integrum dono ut postmodum quicquid rectores vel possessores ipsius loci facere voluerint liberam et firmissimam in Dei nomen in omnibus abeant potestatem nullo contradicente Si quis vero quod futurum esse non credo si ego ipse aut ullus de heredibus meis vel proheredes aut quislibet ulla oposita persona que contra donationem istam venire aut ulla calumnia agere vel generare tentaverit non valeat evindicare se[d] inferat vobis vestrisque heredibus in duplum tantum quantum valet auri libra I et donatio ista omni tempore firma et stabilis permaneat stipulacione subnixa Actum Divion in atrio sancti Benigni Signum Balduino qui hanc donacionem fieri et firmare rogavit S Rudrico S Grimono S Aboleno S Elselmo S Letardo S Balcino S Eldrado S Vanino Ego in Dei nomen Airardus presbiter scripsi et subscripsi datavi die jovis mense octobris anno XXIIII regnante domno nostro Karolo rege