Charter Document - 06380042
| Charter Number: | 06380042 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0819 |
| Date type: | Internal, Regnal |
| Resource Link(s): |
|
Charter:
Sacrosancti Benigni monasterio quod est sub oppido Divione constructum ubi ipse domnus et gloriosissimus in corpore quiescit ubi et venerabilis vir Erlegaudus abba preesse videtur ego in Dei nomine Vuitgarius ac si indignus presbiter cogitavi pro remedio anime mee vel pro eterna retributione ut ante tribunal eterni Judicis veniam et indulgentiam accipere merear et inter sanctos suos mihi partem aliquam concedat propterea aliquid de rebus meis ad ipsum locum sanctum conferre disposui quod ita plenissima voluntate et libenti animo perfeci cedo atque trado ad ipsum locum sanctum in pago Attoariorum in villa Sancto colonica sive Bargas quicquid de parentum meorum hereditate ad me pervenit aut pervenire potest per instrumenta cartarum vel de quolibet ingenio tam in ipsis villis quam in fines earum hoc est mansis casis edificiis curtiferis campis pratis vineis silvis aquis aquarumque decursibus exus et regressus exquisita et inquirenda quicquid ad meam porcionem attinet totum ad integrum de meo jure in dominationem rectorum ipsius ecclesie trado atque transfundo ut ab hac die quicquid de ipsis rebus facere voluerint liberam et firmissimam in omnibus habeant potestatem nullo contradicente Si quis vero quod nec fieri credo si ego ipse aut ullus de heredibus vel pro heredibus meis aut quislibet ulla emissa persona qui contra hanc cessionis epistolam mea voluntate conscriptam ullam calumniam dicere aut repetere voluerit non valeat evindicare quod repetit sed inferat rectoribus ipsius monasterii tantum quantum ipse res valuerint et in fisco auri libram I multa sustineat et hec epistola cessionis omni tempore firma et stabilis permaneat et stipulatione subnixa Actum Divione vico publico Ego Vuidgerius presbiter hanc donationem a me factam firmare rogavi S Vuandalfridi Adalongi Ermenarde Servadi Sigeberti Fludoini Ego in Dei nomine Leotaldus hanc epistolam cessionis scripsi et subscripsi datavi die veneris tercio idus februarii anno sexto regnante domino nostro Ludovico glorioso imperatore