Charter Document - 06380031
| Charter Number: | 06380031 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0783 |
| Date type: | Internal, Calendar, Regnal |
| Resource Link(s): |
|
Charter:
Sacrosancte ecclesie sancti Benigni sub oppido Divion constructo ubi ipse preciosus martir requiescit in corpore et venerabilis domnus Vualdricus episcopus preesse videtur Pontifex et David presbiter custos Ego in Dei nomine Vulfricus clericus servus servorum Dei cogitans quo modo misericordiam Dei invenire possem et veniam peccatorum meorum consequi destinavi de rebus meis aliquid conferre ipsi sancto loco atque inibi Deo servientibus Cedo igitur cessumque in perpetuum ut permaneat volo hoc est quicquid in pago Divionensi in villa Dusmensi seu in Disto quicquid ibidem visus sum habere et de genitore meo Fulcario quondam in legitima hereditate ad me pervenit aut pervenire potest et porcio mea est tam mansis et suprapositis campis vineis pomiferis aquis aquarumve decursibus silvis pascuis exis et regressis totum ad integrum a die presenti ad ipsum sanctum locum cedo et de meo jure et dominatione in potestatem rectorum ipsius monasterii transfundo ita ut ab hac die quicquid ex ipsis rebus facere voluerint liberam in omnibus habeant facultatem apsque alicujus contradictione Si quis vero quod nec fieri credo si ego ipse aut ullus de heredibus meis aut quislibet ulla emissa persona que contra hanc donationem mea voluntate factam venire aut calumniare voluerit non valeat evindicare quod repetit sed insuper inferat rectoribus ipsius basilice una cum socio fisco auri solidos V et nihilhominus presens hec cessio me a voluntate facta firma permaneat stipulatione subnixa Actum Divione ad basilicam Sancti Benigni publice Signum Vulfridi qui hanc cessionem fieri et firmare rogavit S Fulcomeri fratris sui qui consensit S Erloini S Benebiti S Adalgaudi Ego in Dei nomine Leodoinus diaconus rogatus scripsi et subscripsi et datavi post kalendas junias anno XV regnante domino nostro Karolo Rege