Charter Document - 06380030
| Charter Number: | 06380030 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0777 |
| Date type: | Internal, Calendar, Regnal |
| Resource Link(s): |
|
Charter:
Domino sacrosancte Basilice sancti Benigni martiris sub oppido Divionensi constructe ubi venerabilis vir dominus Vualdricus preesse videtur pontifex et David presbiter cum omni congregacione sancti Benigni Leotadus et germana sua Dada Cogitamus pro Dei intuitu vel reverencia ipsius loci ut aliquid de paupertaticula nostra ad ipsum locum vel suis custodibus concedere debeamus quod et ita in Dei nomine fecimus hoc est in pago Attoariorum in villa Sancto colonica sive in Bargis quicquid ibidem visi sumus habere mansos cum casis superpositis una cum exitu et regressu campis vineis pratis silvis pascuis aquis aquarumve decursibus accessisque omnibus totum et ad integrum quicquid ibidem in jam dicta villa visi sumus habere aut dominare tam de parentum nostrorum quam de comparato aut de attracto aut quolibet ingenio ad nos pervenit aut pervenire potest ad memoratam Basilicam suisque custodibus presbiteris diaconibus subdiaconibus clericis seu lectoribus cedimus tradimus atque transfundimus ex dominacione nostra ut tam ipsi custodes quam successores eorum quicquid facere voluerint liberam in omnibus habeant potestatem Si quis vero quod non futurum credimus si nos aut ullus de heredibus nostris aut quelibet ulla opposita persona que contra hanc donacionis epistolam venire aut aliquid agere conaverit nullo modo valeat evindicare quod repetit sed inferat vobis vestrisque successoribus ad augmentum basilice sancte auri uncias II et nihilominus presens hec cessio firma permaneat stipulacione subnixa Actum Divione in basilica sancti Benigni publice Signum Leotadi et Dade qui hanc cessionis epistolam fieri rogaverunt Signum Ermenberti Signum Barnarii Signum Agramni Signum Adam In Dei nomine ego Airbaldus diaconus hanc epistolam cessionis scripsi et subscripsi et adnotavi die lunis proximo post kalendas novembris anno X domini nostri Karoli Imperatoris