Charter Document - 06380027
| Charter Number: | 06380027 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0775 |
| Date type: | Internal, Calendar, Regnal |
| Resource Link(s): |
|
Charter:
Domino sacrosancte Basilice domni Benigni martiris sub oppido Divion constructa ubi venerabilis vir Waldricus preesse videtur abba Ego in Dei nomine Ansegaudus cogitans pro remedio anime mee vel veniam peccatorum meorum vel uno consensu nostro prolis meis seu et nepotibus meis ut res meas proprias in pago Attoariorum in loco nuncupante in villa Sancto colonica sive Bargas ad memoratam ecclesiam concedere deberem Quod et ita in Dei nomine feci hoc est mansus cum suprapositis casis edificiis curtiferis campis pratis vineis pomiferis cultis et incultis vel omni re inexquisita aquis aquarumque decursibus exiis et regressis vel quicquid in ipsa villa denominata tam ego quam heredes mei visi sumus habere vel possidere a die presenti ad memoratam ecclesiam vel suis custodibus tam presbiteris diaconibus seu lectoribus in eorum trado atque transfundo dominatione ut quicquid ab hac die de jam dictis rebus tam ipsi custodes quam successores eorum ab hac die in eorum augmentum facere voluerint liberam in omnibus et in Dei nomine jure perpetuo faciendi quod voluerint habeant potestatem Si quis vero si ego aut aliquis de heredibus meis vel quelibet ulla opposita persona que contra hanc cessionem voluntate mea conscriptam venire aut aliquam calumniam generare voluerit non valeat evindicare quod repetit sed inferet ad memoratam ecclesiam vel suis custodibus duplum tantum quantum ista cessio eo tempore implicitam habuit aut ipse res eo tempore meliorate valuerint fisci juribus auri uncias tres argenti vero pondus duos et nihilominus presens cessio omni tempore firma et stabilis permaneat stipulatione subnixa Actum Divion ad basilicam domni Benigni publice Signum Ansegaudi qui hanc cessionem fieri et firmare rogavit Signum Norgaudi Signum Landradi filiorum ipsius qui hanc cessionem fieri rogaverunt et consenserunt Signum Amadeo Signum Ilgaudi Signum Fulcherii nepotis ipsius qui hanc cessionem rogaverunt et consenserunt Signum Servadi Signum Ermentei Signum Bertarii Signum Beroni In Dei nomine ego Subrandus presbiter hanc cessionem scripsi et subscripsi notavi die dominico proximo post kalendas martias anno septimo regni domni nostri Karoli regis