Charter Document - 06380018
| Charter Number: | 06380018 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0578 |
| Date type: | Internal, Regnal |
| Resource Link(s): |
|
Charter:
Sacrosancte basilice Divioni in honore sancti Benigni constructe ubi in corpore sanctus Benignus requiescit ubi venerabilis vir Bobolenus abba preesse videtur omnique congregationi inibi in Dei laudibus consistenti Godinus et matrona sua Lantrudis Oportunum nobis erat ut si possit existere ampliora in luminaribus ecclesiarum pro ablutione peccatorum nostrorum et pro Dei amore conferre deberemus attamen in quantum possibilitas prevalet donamus donatumque esse volumus et de jure nostro in jus et dominationem prefate basilice Divionensi sancti Benigni omnique congregationi in eodem loco degenti regiculam juris nostri cui vocabulum est Albiniaco situm in pago Decollatimse quicquid portio nostra in jam dicto loco in villa seu agro Albiniaco tam de alodo quam de quolibet adtracto in ipso loco habere videmur casas edificia una cum mansis curtis campis pratis silvis aquis aquarumque decursibus accessisque omnibus in integro stato exterminatione quod jam nos presenti tempore possidere videmur in prefata basilica perpetualiter in Dei nomine possidendum ut superius dictum est a die presente donamus et transfundimus ut quicquid exinde ab hac die prefata basilica Divionensis sancti Benigni suique agentis pro stipendium predicti viri vel fratrum facere voluerint liberam in omnibus ac firmissimam habeant potestatem ita ut diximus agentis ipsius basilice in Dei nomine absque ulla contradictione post eorum donationem ad jus suum valeant revocare Sane si quis nos aut quislibet de heredibus nostris aut opposita persona contra presentem donationem nostram venire temptaverit et vobis vestrisque successoribus calumpniam intulerit culpabiles sociato fisco auri libram unam et argenti libras duas persolvant et nichilhominus donatio nostra firma permaneat stipulatione et sponsione pro omni firmitate subnexa Actum Dover vico publice Godinus hac donatione facta subscripsit Signum Lantrudis que facere rogavit In Dei nomine Agilbertus abbas subscripsit In Christi nomine Bobelenus presbiter subscripsit In Christi nomine Arembertus presbiter Frodoino Frodebertus Almabertus Ansfredus rogatus hanc donationem scripsi et notavi die veneris mense martio in anno VIIX regni domni nostri Chilperico rege feliciter