Charter Document - 06370581
| Charter Number: | 06370581 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Religious |
| Charter Type(s): | Revocation |
| Date: | 1256 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis frater B[onifacius] dictus abbas Cistercii salutem in Domino Cum frater Michael quondam abbas Pruliaci filie nostre quandam domum sitam Senonis eidem monasterio a Drocone cementario et Agnete uxore ejus civibus Senonensibus datam in elemosinam sicut intelleximus dederit ad perpetuitatem cuidam clerico Guismondo nomine et eandem absque consensu nostro et voluntate nostra alienaverit a predicto monasterio quod facere non poterat nec debebat presertim cum eadem elemosina esset immobile et inter immobilia computenda nos attendentes quod ex huismodi elemosinarum alienatione indebita dicte domui grave posset dampnum inminere et vicinorum fidelium pium propositum de facili ab elemosinarum largitione retardari et juridictione nostre prejudicium quantum ad hoc in posterum generari dictam donationem taliter utpote absque nostro consensu factam auctoritate paterna penitus revocamus In cujus rei testimonium presentes litteras sigilli nostri munimine roboravimus Actum anno Domini millesimo ducentesimo quinquagesimo sexto mense maio