Charter Document - 06370580
| Charter Number: | 06370580 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1256 |
| Date type: | Internal, A.D. |
| Resource Link(s): |
|
Charter:
Ego Guillelmus de Moncellis miles notum facio universis presentes litteras inspecturis quod ego pro me et heredibus meis laudo volo concedo et confirmo in perpetuum dilectis meis viris relligiosis abbati et conventui Pruliaci Cisterciensis ordinis elemosinam quam bone memorie Johannes de Moncellis quondam miles eisdem Pruliacensibus contulit videlicet quemdam redditum qui dicitur redditus piscium qui quidem redditus est septem solidorum et sex denariorum turonensium quittans pro me et pro heredibus meis in perpetuum prefatis Pruliacensibus quicquid ego vel heredes mei in prefata elemosina vel redditu memorato ratione hereditatis successionis feodi vel quacumque alia ratione habebamus vel habere poteramus aut etiam debebamus presertim cum de meo feodo redditus moveat antedictus promisi insuper bona fide quod contra donationem laudationem concessionem et confirmationem predictas ego vel heredes mei non veniemus in futurum In cujus rei testimonium et muminen perpetuum sigillum meum duxi litteris presentibus apponendum Actum anno Domini millesimo ducentesimo quinquagesimo quinto mense martio