Charter Document - 06370532
| Charter Number: | 06370532 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1250 |
| Date type: | Internal, Calendar, Papal |
| Resource Link(s): |
|
Charter:
Innocentius episcopus servus servorum Dei dilectis filiis abbati et conventui Prulliaci Cisterciensis ordinis Senonensis diecesis salutem et apostolicam benedictionem Solet annuere sedes apostolica piis votis et honestis et petentium favorem benignum impertiri ea propter dilecti in Domino vestris justis postulationibus grato concurrentes assensu ut de animalibus blado vino et aliis que aliquotiens vendere aut emere vos pro necessitatibus vestris contigerit nulli pedagia rotagia vinagia vel quaslibet alias exactiones que pro iis a secularibus exiguntur solvere teneamini authoritate vobis presentium indulgemus Nulli ergo omnino hominum liceat hanc paginam nostre concessionis infregere vel ei ausu temerario contraire si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Lugdini iiij Kal octobris pontificatus nostri anno septimo