Charter Document - 06370493
| Charter Number: | 06370493 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1248 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis magister Petrus officialis curie Senonensis in Domino salutem Notum facimus quod coram nobis constitutus Droco cementarius civis Senonensis recognovit quod ipse et defuncta Agnes quondam uxor sua mentis compos antequam decederet donaverunt ecclesie beate Marie Prulliaci et fratribus ibidem Deo servientibus domum suam Senonis sitam cum tota porprisia et appendiciis que sunt retro dictam domum prout protenduntur a via communi que est ante novam domum Karoli de Pontallie usque ad murum qui dicta appendicia sustinet quequidem domus donata ut dictum est contigua est ex una parte domui Jacobi clerici et ex alia parte domui magistri Laurentii Golle Insuper dictur Droco recognovit coram nobis quod ipse et dicta uxor sua donaverunt dictis Prulliaci sex denarios annui census percipiendos singulis annis in festo beati Hylarii videlicet duos denarios super domum et porprisiam dicti magistri Laurencii tres denarios super domum et porprisiam Johannis Megeicerii et unum denarium super domum et porprisiam clericorum chori Senonensis contiguam domui dicti Johannis et quia domus cum porprisia et appendiciis et census predictus in elemosinam dictis Pruilliacensibus donata ut dictum est moverant de capite dicte defuncte Agnetis ut dicitur idem Droco promisit fide data in manu nostra sub pena decem librarum parisiensium quod cum Theobaldus filius dictorum Droconis et Agnetis ad annos discretionis venerit faciet eandem donationem de dictis domo porprisia et censu dictis Pruilliacensibus factam ut dictum est habere ratam et gratam et quitabit [eis]dem Pruilliacensibus quicquid juris habet vel habere potest in dictis rebus donatis Ad meliorem etiam securitatem de dicta [pena] solvenda dictis Prulliacensibus si dictus Theobaldus nollet facere ea que dicta sunt dictus Droco dedit plegios coram nobis Johannem [] [et] Cosme cementarium et Guibertum dictum conversum qui Johannes et Guibertus ad petitionem dicti Droconis obligaverunt se plegios coram nobis per fidem in manu nostra prestitam de dictis decem libris eisdem Pruilliacensibus pro dicta pena solvendis ad hoc donavit eisdem Pruilliacensibus sufficientia gaigia ductibilia vel portabilia uterque pro toto et in solidum si dictus Theobaldus predicta facere recusaret Recognovit etiam dictus Droco coram nobis quod ipse et dicta Agnes uxor sua antequam decederet de dictis rebus et censu dictis Pruilliacensibus donatis se devestiverant in manu fratris Johannis monachi et procuratoris Pruilliacensium et eumdem monachum investiverant de eisdem rebus donatis nomine ecclesie supradicte et fiduciaverant in manu ejusdem Johannis monachi quod contra predictam donationem per se vel per alios de cetero non venirent Guibertus vero conversus et Petronilla uxor sua filia dictorum Droconis et Agnetis ratam et gratam habuerunt dictam donationem de dictis domo et censu dictis Pruilliacensibus factam et quitaverunt eisdem Pruilliacensibus coram nobis quicquid juris habebant vel habere poterant ratione quacumque in dictis rebus et censu donatis fiduciantes in manu nostra quod contra predicta per se vel per alium non venient in futurum Dicta vero Petronilla fiduciavit in manu nostra quod hoc faciebat spontanea non coacta Datum anno Domini millesimo ducentesimo quadragesimo septimo mense januario die veneris post festum beati Vincentii