Charter Document - 06370492
| Charter Number: | 06370492 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1247 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis magister Petrus Senonensis curie officialis in Domino salutem Notum facimus quod in nostra presentia Galterus Gerini et Helluisis uxor sua cives Senonenses recognoverunt quod cum defunctus Gerinus quondam pater ipsius Galteri olim in puram et perpetuam elemosinam dedisset abbati et conventui Pruliaci quandam vineam sitam in territorio quod dicitur Vallis Gaudini contiguam vinee capituli Senonensis et quandam peciam terre eidem vinee contiguam et illas vineam et terram defunctus Stephanus Gerini clericus quondam frater ipsius Galteri tenuisset ad ad modiationem a dictis abbate et conventu pro uno modio vini annuatim persolvendo et postea ipsi Galterus et uxor sua predictas vineam et terram similiter ad ad modiationem tenuissent ab abbate et conventu predictis tandem ipsi Galterus et uxor sua coram nobis vineam et terram predictas reddiderunt abbati et conventui predictis et quicquid ipsi Galterus et uxor sua habebant vel habere poterant quacumque ratione in vinea et terra predictis ipsis abbati et conventui quitaverunt in perpetuum coram nobis et fiduciaverunt in manu nostra quod contra dictam quitationem per se vel per alios non venient in futurum et fiduciavit dicta Helluisis quod hoc faciebat spontanea non coacta Actum anno Domini millesimo ducentesimo quadragesimo septimo sabbato ante nativitatem Domini