Charter Document - 06370452
| Charter Number: | 06370452 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1243 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis frater Petrus dictus abbas Pruilliaci et frater Nicholaus dictus abbas Sigillarie Cisterciensis ordinis et frater Petrus prior fratrum predicatorum Senonensium salutem in Domino Noverint universi quod Guillermus Bequans civis Senonensis coram nobis constitutus donationem inter vivos quam quondam fecerat eisdem Prulliacensibus bonorum ejus mobilium et immobilium secundum quod in litteris curie Senonensis super hoc confectis continetur ratam habuit pariter et acceptam salvo tamen jure uxoris sue donationem eciam domus site Senonis juxta cimisterium judeorum quam idem Guillermus et uxor sua emerant a defuncto Gilone le Champenois et uxore sue factam eisdem Prulliacensibus idem Guillermus pro ipsius Guillermi portione similiter gratam habuit et acceptam Recognovit eciam idem Guillermus se nichil habere ratione cepositi in domo Pruilliaci et si aliquid habuerat aliquando satisfactum fuit ei plenarie et perfecte hoc uxore sua audiente et consenciente computatione eciam facta inter dictos Pruilliacenses et dictos Guillermum et uxorem suam super omnibus debitis iidem Prulliacenses et dicti Guillermus et uxor sua se mutuo quitaverunt Actum anno Domini millesimo ducentesimo quadragesimo tercio die martis post festum beati Nicholai hyemalis