Charter Document - 06370440
| Charter Number: | 06370440 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Religious |
| Charter Type(s): | Approval |
| Date: | 1243 |
| Date type: | Internal, A.D. |
| Resource Link(s): |
|
Charter:
Omnibus ad quos littere presentes pervenerint Michael dictus abbas Sacri Portus et ejusdem loci conventus salutem in Domino Notum facimus quod nos ad preces illustris domine B[lance] Dei gratia Francie regine dedimus et concessimus monialibus de Nemosio Cisterciensis ordinis decem arpenta terre arabilis in ripparia Nemosii sita ab eisdem monialibus libere ac pacifice in perpetuum possidenda Quod ut ratum sit et firmum in posterum presentes litteras sigilli nostri munimine fecimus roborari Actum anno Domini millesimo ducentesimo quadragesimo secundo mense decembri Hanc donationem confirmavit O[do] abbas Prulliaci eodem anno mense januario