Charter Document - 06370434
| Charter Number: | 06370434 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1242 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis officialis curie Senonensis salutem in Domino Noverint universi quod Stephanus Gerins clericus de Senonis in nostra presentia constitutus voluit et concessit donum quod pater et mater ipsius Stephani in bona valetudine sua in perpetuam elemosinam fecerunt abbati et conventui Prulliaci sicut confessus est coram nobis idem Stephanus de tota vinea quam pater et mater ipsius Stephani habebant in valle Gaudini contiguam vinee capituli Senonensis et de quadam terra eidem vinee contigua et quitavit idem Stephanui in perpetuum coram nobis ipsis fratribus Prulliacensibus quicquid ipse habebat et habere poterat ratione quacumque in vinea et terra predictis fiducians in manu nostra idem Stephanus quod contra donum predictum et quitationem quam fecit idem Stephanus predictis fratribus Prulliacensibus sicut supradictum est non veniet per se vel per alios in futurum et quod in dictis vinea et terra datis ipsis abbati et conventui et quitatis ab ipso Stephano sicut superius est expressum nichil per se vel per alium de cetero reclamabit Actum anno Domini millesimo ducentesimo quadragesimo primo mense martio