Charter Document - 06370418
| Charter Number: | 06370418 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1240 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis magister Robertus officialis curie Autissiodorensis salutem in Domino Notum facimus universis quod cum erat contentio inter fratres Pruliaci ex una parte et Johannem Chevence de Chanlayo ex altera super hoc quod dictus Johannes proponebat et dicebat contra dictos fratres quod ipsi fratres injuste detinebant et possidebant saliceta sita desuper rivum molendini dictorum fratrum quod situm est apud Chanlayum quod ad ipsum pertinebant jure hereditario ut dicebat tandem dictus Johannes in nostra presentia constitutus recognovit se nichil habere in dictis salicetis quitans in perpetuum dictis fratribus omne jus quod habebat vel habere expetebat in dictis salicetis si quid juris habebat vel habere debebat in eisdem et promisit per fidem suam in manu nostra corporaliter prestitam dictus Johannes quod contra dictam quittationem per se vel per alium non veniet in futurum nec in dictis salicetis nichil juris de cetero reclamabit nec ab alio faciet reclamari quantum ad hoc jurisdictioni curie Autissiodorensis se supponens ubicumque maneat vel existat Actum anno Domini millesimo ducentesimo quadragesimo mense junio