Charter Document - 06370412
| Charter Number: | 06370412 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Lay |
| Charter Type(s): | Approval |
| Date: | 1239 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis magister Odo officialis curie Senonensis in Domino salutem Noverint universi quod Baldoinus de Barris miles et Margareta uxor ejus coram mandato nostro videlicet coram Petro decano christianitatis Musterolii quem ad hoc misimus specialiter audiendum laudaverunt donationem ecclesie beati Marie Pruliaci factam ex parte Johannis Hure armigeri de quindecim arpentis terre juxta Marrotam sitis ab ipsa ecclesia in perpetuum possidendis et de tribus minis bladi ad mensuram Montigniacam quolibet anno persolvendis Actum anno gracie millesimo ducentesimo tricesimo nono die martis post festum beati Remigii