Charter Document - 06370409
| Charter Number: | 06370409 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1239 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis magister Odo Senonensis officialis in Domino salutem Noverint universi quod Jacobus clericus filius defuncti Milonis Labroine in nostra presentia constitutus recognovit se dedisse per excambium in perpetuum et concessisse religiosis viris abbati et conventui Prulliaci decem et novem denarios parisienses census minuti quos dicebat idem Jacobus se habere circa Gisiacum et etiam apud Sanctum Dionisium juxta Senones super terris pratis et vineis inferius nominatis videlicet super quadam pecia terre sita in loco qui vulgaliter Medius Campus appellatur quam tenet ut dicetur Petrus de Sancto Juliano civis Senonensis ad duos denarios et obolum census et super vinea sita apud Escheletes undecim denarios et obolum censuales quam quidem vineam Thomas Carnifiex civis Senonensis dicitur possidere super quadam pecia terre sita au Voene quatuor denarios quam Jobertus de Sancto Dionisio prope Senones dicitur possidere super autem prato de Lampa sito apud Gisiacum unum denarium quod possident ut dicitur Arnulfus Munerius et relicta Ade dicti denarii super quibus possessionibus idem Jacobus dicebat se vantes et laudes habere que vendite erant possessiones predictas quas quidem vantes et laudes et omne dominium et omnem justitiam et quicquid juris habebat et habere poterat aut debebat in censu predicto et etiam in dictis possessionibus ratione dicti census [] aliqua ratione quacumque dictis abbati et conventui similiter per excambium dedit in perpetuum et concessit pro quadam pecia vinee sita apud Paroi quam vineam idem abbas et conventus dicto Jacobo audivimus asserente fiducians in manu nostra idem Jacobus se dictis abbati et conventui dictum censum garentizaturum erga omnes et quod contra commutationem et concessionem predictas per se vel per alium non veniet in futurum Actum anno gratie millesimo ducentesimo tricesimo nono mense julio