Charter Document - 06370388

Omnibus presentes literas inspecturis magister Odo officialis Senonensis salutem Noverint universi quod Guillermus armiger de Montignyaco Lencop filius deffuncti Guidonis de Montigniaco militis et Margareta uxor ipsius Guillermi in nostra recognoverunt presentia constituti se vendidisse viris religiosis abbati et conventui Pruliaci viginti arpenta nemoris sita in loco qui vulgariter vocatur Le Tramblois contigua nemoribus de Logia de Trambleto dictorum abbatis et conventus fundum et nemus et omne dominium omnem justiciam et quidquid juris habebant idem Guillermus et Margareta uxor sua in dictis viginti arpentis nemoris pro sexies viginti libris pruvinensium forensium sibi quitis et in numerata pecunia jam solutis de quibus dictos abbatem et conventum et eorum ecclesiam in perpetuum quitaverunt renunciantes exceptioni non numerate non tradite et non solute sibi pecunie supradicte Recognoverunt etiam dictus Guillermus et Margareta uxor sua se pro remedio animarum suarum patrum et matrum suorum et salute in elemosinam dedisse et concessisse dictis abbati et conventui Pruliaci et eorum ecclesie decem arpenta nemoris nemus et fundum et quidquid juris idem Guillermus et Margareta uxor sua habebant in ipsis in perpetuum possidenda et habenda contigua dictis viginti arpentis dictis abbati et conventui venditis sicut est superius expressum fiduciantes in manu nostra se contra venditionem donationem et concessionem predictas per se vel per alios de cetero [non] vinturos nullamque calumniam seu questionem super his moturos per se vel per alios in futurum sub ejusdem fidei religione promittentes se dicta viginti arpenta vindita et dicta decem arpenta data et concessa ut supra dictum est dictis abbati et conventui garentizaturos erga omnes libera et immunia ab omni costuma reditu servitio servitute et exactione quacumque preterquam de duobus denariis pruvinensium census pro quolibet arpento dicti nemoris reddendis dictis Guillermo et Margarete in festo sancti Remigii annuatim Joannes vero frater dicti Guillermi primus dominus feodi ut dicitur vinditionem donationem et concessionem predictas a dictis Guillermo et Margareta factas abbati et conventui predictis ut supra dictum est voluit laudavit pariter et concessit coram nobis et etiam in perpetuum quitavit dictis abbati et conventui quidquid juris habebat in predictis ratione feodi sine alia ratione quacumque Prefati vero Guillelmus et Joannes fratres fide data promiserunt quod a Joanne consanguineo suo filio defuncti Gilonis de Montigniaco militis quando erit extra avoueriam et tutelam idem Joannes filius dicte Gilonis qui dicitur esse secundus dominus feodi dicti nemoris conditionem donationem et concessionem predictas laudari facient et concedi eisdem abbati et conventui Dictus autem Guillermus predictis laudatione et concessione a dicto Joanne filio dicti Gilonis faciendis et presupra dicta garantia portanda dictis abbati et conventui obligavit eis coram nobis omnia bona sua tam mobilia quam immobilia que in presenti posidet et que de cetero poterit adipisci et adeo dictos abbatem et conventum assignavit per dictum Joannem fratrem ipsius dominum feodalem virum si aliquis heres dicti Guilermy dicta viginti arpenta vindita retraxerit vel si dictus Joannes consanguineus dicti Guillermy venditionem predictam laudare voluerit dicta decem arpenta data et concessa dictis abbati et conventui ut dictum est supra eisdem abbati et conventui Pruliaci et eorum ecclesie in perpetuum remanebunt dicta siquidem Margareta renonciavit coram nobis omni juri quod habebat vel habere poterat in dictis triginta arpentis nemoris ratione dotis conquestus hereditatis seu quibuslibet aliis causis fiducians [] hoc faciabat spontanea non coacta Actum anno gratie millesimo ducentesimo tricesimo sexto mense augusto die martis post assumptionem Beate Marie