Charter Document - 06370351
| Charter Number: | 06370351 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1234 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis frater G[uibertus] dictus abbas et conventus Prulliaci salutem in Domino Noveritis quod cum magister Robertus Cornutus de Castro Nantonis canonicus Senonensis et Henricus frater ejus canonicus Autisiodorensis Guillelmus de Alto Bosco armiger et Martinus Richerius de Valentiis et eorum uxores dicerentur vendidisse nobis viginti arpenta terre tantum de essartis Parisiensis ecclesie Vernoti sita juxta terram de Chos grangie nostre prout bonnata et metis ibi positis determinata sunt et ab aliis essartis Parisiensis ecclesie divisa videlicet magister Cornutus et Henricus frater ejus quinque arpenta et dimidium et Guillelmus circiter quatuordecim et Martinus circiter dimidium arpentum que sub censu annuo ipsi tenebant ab ecclesia Parisiensi et a magistro Alberico decano beati Martini Turonensis canonico Parisiensi que ab ecclesia Parisiensi nomine ecclesie quamdiu esset canonicus Parisiensis tenebat supradicta capitulum Parisiense dictam venditionem laudans et approbans quicquid justitie majoris et minoris census redditus dominii juris et juridictionis in dictis viginti arpentis habebat vel habere dicebat in futurum nobis concessit absque aliqua retentione perpetuo habendum ita quod in illis viginti arpentis terre non poterimus facere fortericiam seu villam sine voluntate et assensu capituli Parisiensis ea autem que in predictis viginti arpentis terre tempore vendicionis predicti habebat capitulum Parisiense vel habere dicebat in futurum ecclesie Prulliacensi tenetur bona fide contra omnes garantire Pro predicta vero approbatione et concessione dedimus predicto capitulo in pecunia numerata ducentas et viginti libras parisiensium quas jam recepit a nobis in utilitatem ecclesie sue convertendas In cujus rei testimonium et probationem presentes litteras sigilli nostri munimine roboravimus Actum anno Domini millesimo ducentesimo tricesimo quarto mense octobri