Charter Document - 06370287
| Charter Number: | 06370287 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Religious |
| Charter Type(s): | Approval |
| Date: | 1228 |
| Date type: | Internal, A.D. |
| Resource Link(s): |
|
Charter:
Reginaldus Sancti Germani humilis abbas omnibus ad quos presentes littere pervenerint salutem in Domino Universitati vestre notum facimus quod elemosinam illam quam Stephanus de Chanlaio sacerdos fecit abbati et conventui Pruliacensi scilicet partem molendini siti prope Chanlaium et tres quartas prati siti ibidem de assensu Stephani dicti sacerdotis nepotis laudavimus et concessimus abbati et conventui quiete et pacifice in perpetuum possidenda salvo jure censuali videlicet tresdecim denariis et obolo nobis vel mandato nostro annuatim persolvendis ita tamen quod dictis fratribus Pruliacensibus non liceat ibidem in censiva nostra aliquid acquirere sine licencia nostra et voluntate In cujus rei testimonium et munimen presentes litteras sigilli nostri appositione fecimus roborari Actum Autisiodori anno ab incarnatione Domini millesimo ducentesimo vigesimo octavo mense decembri