Charter Document - 06370259
| Charter Number: | 06370259 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Lay |
| Charter Type(s): | Will |
| Date: | 1225 |
| Date type: | Internal, A.D. |
| Resource Link(s): |
|
Charter:
Galterius Dei gratia Senonensis archiepiscopus universis presentes litteras inspecturis salutem et eternam in Domino felicitatem Notum facimus universis quod in presencia nostra constitutus Girardus de Vico novo miles testamentum suum in hunc modum ordinavit Legavit prefatus Girardus in remedio anime sue ecclesie sancti Pauli de Venna medietatem medietatis omnium rerum quas acquisivit apud Tumbam et alteram medietatem ecclesie Beati Anthonii Senonensis ecclesie Beate Marie de Jarda quartam partem rerum acquisitarum apud Musterolum ecclesie Beate Marie de Prulliaco quartam partem rerum acquisitarum ibidem videlicet apud Musterolum ecclesie Beati Domnini site prope Matrolas duas pecias terre quarum una sita est juxta Secanam altera juxta semitum Beati Domnini quam emit a defuncto Odone Liberol ecclesie Beati Germani de Pratis quandam peciam terre sitam juxta vineam Gileti dicti Judei et duos sextarios bladi annui redditus legavit idem Girardus ecclesie de Barbeto pro annuali suo faciendo in granchia ejusdem Girardi percipiedos videlicet unum sextarium frumenti et alterum siliginis ecclesie Beati Domnini supradicti quandam servam suam de corpore que vocatur Bella et eciam ecclesie de Tumba legavit idem Girardus quendam hominem suum de corpore qui vocatur Acius et eciam uxorem ejusdem Acii domui Dei de Posterna Senonensi unum sextarium frumenti annui redditus in granchia sua supradicti percipiendum Dictus vero Girardus executorem hujus legati constituit abbatem Sancti Pauli Senonensis Nos vero quod audivimus et recognitum fuit coram nobis ad peticionem predicti Girardi sine prejudicio alterius sub sigillo nostro testificamur Actum Senonis anno Domini millesimo ducentesimo vigesimo quarto mense februarii