Charter Document - 06370239
| Charter Number: | 06370239 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1222 |
| Date type: | Internal, A.D. |
| Resource Link(s): |
|
Charter:
Philippus Dei gratia Francorum rex Noverint universi presentes pariter et futuri quod cum contentio esset inter monachos Pruliacenses ex una parte et Gaufridus le Felle ex alia super eo quod idem Gaufridus volebat venari in nemoribus monachorum predictorum de Eschois ad haiam et reficere hayam quotiens ei opus esset monachis non recognoscentibus quod idem Gaufridus id posset de jure facere sed contra dicentibus tandem compromiserunt partes predicte super premissis in Hugonem de Campellis et Guillelmum de Chasteler milites et insuper in karissimum et fidelem nostrum G[uerinum] Silvanectensem episcopum si duo predicti non possent in unam sententiam concordare Dicti autem Hugo et Guillelmus communi et concordi assensu dixerunt quod idem Gaufridus quittaret dictis monachis quod in eorum nemoribus predictis reclamabat idemque Gaufridus per dictum prenominatorum arbitrorum quittavit in perpetuum dictis monachis quicquid juris clamabat in premissis Quod ut perpetue stabilitatis et memorie robur obtineat ad petitionem utriusque partis presentem paginam sigilli nostri auctoritate fecimus confirmari Actum Meldis anno dominice incarnationis millesimo ducentesimo vicesimo secundo mense julio